मध्य पूर्वेत सुरू असलेल्या भीषण युद्धाच्या पार्श्वभूमीवर एक मोठी कूटनीतिक बातमी समोर येत आहे. अमेरिकेचे राष्ट्राध्यक्ष डोनाल्ड ट्रम्प यांनी इराणसोबत शांतता प्रस्थापित करण्यासाठी अंतर्गत हालचाली सुरू केल्या आहेत. 'एक्सिओस'च्या वृत्तानुसार, ट्रम्प यांचे जावई जारेड कुशनर आणि स्टीव्ह विटकॉफ या योजनेचे नेतृत्व करत आहेत. मात्र, दोन्ही देशांनी एकमेकांसमोर ठेवलेल्या कडक अटींमुळे हा मार्ग अजूनही खडतर दिसत आहे.
अमेरिकेचे राष्ट्राध्यक्ष डोनाल्ड ट्रम्प यांनी इराणसोबत चर्चा करण्याची तयारी दर्शवली आहे, मात्र त्यासाठी त्यांनी अत्यंत कडक अटी घातल्या आहेत. ट्रम्प यांच्या या 'पीस प्लॅन'मुळे मध्य पूर्वेतील युद्धाला पूर्णविराम मिळणार का, याकडे जगाचे लक्ष लागले आहे.
इराणची मागणी: 'नुकसान भरपाई द्या आणि गॅरंटी द्या'इराणने चर्चेची तयारी दर्शवली असली तरी त्यांनी काही महत्त्वाच्या अटी ठेवल्या आहेत. युद्धात झालेल्या आर्थिक आणि जीवितहानीसाठी अमेरिकेने भरपाई द्यावी. भविष्यात इराणवर कोणताही हल्ला होणार नाही, याची लेखी खात्री मिळावी. तातडीने शस्त्रसंधी लागू करण्यात यावी, अशा अटी इराणने ठेवल्या आहेत.
दुसरीकडे, ट्रम्प प्रशासनाने इराणची नाकेबंदी करण्यासाठी कडक अटी घातल्या आहेत. इराणने पुढील ५ वर्षे आपला कोणताही क्षेपणास्त्र कार्यक्रम राबवू नये. युरेनियम संवर्धन पूर्णपणे थांबवून महत्त्वाचे अणू प्रकल्प बंद करावेत. तसेच हिजबुल्ला, हूती आणि हमास यांसारख्या गटांना मिळणारा पाठिंबा इराणने त्वरित काढून घ्यावा, अशा अटी ठेवल्या आहेत.
भरपाईऐवजी 'गोठवलेली संपत्ती' परत मिळणार?ट्रम्प यांनी इराणची 'नुकसान भरपाई' देण्याची मागणी थेट नाकारली आहे. मात्र, त्याऐवजी अमेरिकेने गोठवलेली इराणची अब्जावधी डॉलर्सची संपत्ती परत देण्याबाबत विचार सुरू आहे. सध्या कतार, इजिप्त आणि ब्रिटन हे देश या चर्चेत मध्यस्थाची भूमिका बजावत आहेत.
Web Summary : Trump proposes a peace plan with Iran, demanding nuclear program halt and ceasing support for groups like Hezbollah. Iran seeks compensation and security guarantees. Frozen assets may be returned.
Web Summary : ट्रंप ने ईरान के साथ शांति योजना प्रस्तावित की, परमाणु कार्यक्रम रोकने और हिजबुल्लाह जैसे समूहों को समर्थन बंद करने की मांग की। ईरान को मुआवजे और सुरक्षा गारंटी की तलाश है। जमी हुई संपत्ति वापस की जा सकती है।