इराणविरोधातअमेरिका आणि इस्राइलने इराणविरोधात पुकारलेल्या युद्धाला आता १२ दिवस लोटले आहेत. या संघर्षात इराण अमेरिका आणि इस्राइलच्या बलाढ्य शक्तीला जोरदार आव्हान देत असले तरी इराणचीही या युद्धात मोठ्या प्रमाणावर जीवित आणि वित्तहानी होत आहे. या युद्धाच्या सुरुवातीलाच अमेरिका आणि इस्राइलने केलेल्या हल्ल्यात इराणचे सर्वोच्च नेते अयातुल्लाह अली खामेनेई यांचा मृत्यू झाला होता. त्यानंतर आता इराणच्या आणखी एका बड्या नेत्याचा हल्ल्यामध्ये मृत्यू झाला आहे. इराणचे उप गुप्तचर मंत्री अकबर गफ्फारी यांचा अमेरिका आणि इस्राइलने केलेल्या हल्ल्यात मृत्यू झाला आहे.
अकबर गफ्फारी यांच्या मृत्यूची माहिती इराणी प्रसारमाध्यमांनी दिली आहे. इराणी वृत्तसंस्था आयएलएनएने सांगितले की, इराणचे उप गुप्तचर मंत्री अकबर गफ्फारी हे तेहरानवर अमेरिका आणि इस्राइलने केलेल्या संयुक्त हल्ल्यात मारले गेले आहेत. अकबर गफ्फारी यांनी आधी ईस्ट अझरबैजान प्रांताचे पॉलिटिकल सिक्युरिटी डेप्युटी गव्हर्नर म्हणून काम पाहिले होते. अकबर गफ्फारी यांच्यावर तबरीज शहरात अंत्यसंस्कार करण्यात आले आहेत.
दरम्यान, मागच्या ११ दिवसांपासून सुरू असलेल्या संघर्षामध्ये अमेरिकन सैन्याने इराणची लष्करी शक्ती जवळपास संपुष्टात आणली आहे, असा दावा अमेरिकेचे राष्ट्राध्यक्ष डोनाल्ड ट्रम्प यांनी केला आहे. अमेरिकन सैन्याने केलेली कारवाई एवढी वेगवान आणि अचूक होती की, ज्यामुळे इराणची महत्त्वपूर्ण संरक्षण क्षमता काही तासांतच उद्ध्वस्त झाली, असा दावाही डोनाल्ड ट्रम्प यांनी केला. इराण एक प्रबळ देश आहे. मात्र त्यांच्या मुख्य लष्करी ताकदीचं आम्ही जबर नुकसान केलं आहे, असेही डोनाल्ड ट्रम्प यांनी सांगितले.
Web Summary : Amid ongoing conflict, Iran's deputy intelligence minister, Akbar Ghaffari, was killed in a US-Israel strike in Tehran. This follows earlier reports of Ayatollah Khamenei's death. US President Trump claims Iranian military power is diminished.
Web Summary : ईरान और अमेरिका-इजरायल के बीच युद्ध में ईरान के उप गुप्तचर मंत्री अकबर गफ्फारी की तेहरान में हमले में मौत हो गई। इससे पहले अयातुल्लाह खामेनेई की मृत्यु की खबर थी। ट्रम्प का दावा है ईरान की सैन्य शक्ति कमजोर हुई।