अली लारीजानी, अजीज नासिरसजादेह यांच्याबरोबर इस्रायलनेइराणचे गुप्तचर मंत्री इस्माइल खातिब यांनाही एक हवाई हल्ला करत मारले. इराणचे राष्ट्रपती मसूद पेझेश्कियान यांनी त्यांच्या मृत्यूची माहिती दिली. अली लारीजानी, अजीज नासिरजादेह आणि इस्माइल खातिब यांच्या हत्या भेकड कृत्य असल्याचे पेझेश्कियान यांनी म्हटले आहे.
सोशल मीडिया प्लॅटफॉर्म एक्सवर केलेल्या पोस्टमध्ये राष्ट्रपती मसूद पेझेश्कियान यांनी म्हटले आहे की, 'माझे प्रिय सहकारी इस्माइल खातिब, अली लारीजानी आणि अजीज नासिरजादेह यांची भेकडपणे केलेली हत्या, त्याचबरोबर त्यांच्या कुटुंबातील काही सदस्यांची आणि त्यांच्यासोबत असलेल्या इतर लोकांच्या मृत्यूमुळे आम्ही शोकसागरात बुडालो आहोत.'
इराणच्या संरक्षण अधिकारी लारीजानी आणि संरक्षण मंत्री नासिरजादेह यांच्या मृत्यूबद्दल आधीच माहिती दिली गेली होती.
खातिब यांची इस्रायलने हत्या का केली?
इस्रायलच्या डिफेन्स फोर्सेसने इस्माइल खातिब यांना मारल्याची माहिती बुधवारी (१८ मार्च) दिली होती. आयडीएफने सांगितले की, हा हल्ला तेहरानमधील निश्चित लक्ष्यावर केला गेला होता. याबद्दलची माहिती इस्रायलच्या मंत्र्यांनी आधीच दिली होती.
इस्रायलच्या आयडीएफने म्हटले आहे की, खातिब यांच्या गुप्तचर मंत्रालयाची दमनकारी आणि दहशतवादी कृत्यांना पाठिंबा देण्यास महत्त्वाची भूमिका बजावत होता. स्वतः खातिब यांनी अलिकडेच झालेल्या आंदोलनावर केलेल्या कारवाईत आंदोलकांना अटक आणि हत्या करण्यात महत्त्वाची भूमिका पार पाडली होती.
'खातिब यांना संपवणे, हे इराणी सरकारमधील अनेक वरिष्ठ कमांडर्संना संपवण्याच्या योजनेचाच एक भाग होता. यामुळे सरकारच्या नेतृत्व आणि नियंत्रण करणाऱ्या व्यवस्थेचे मोठे नुकसान झाले आहे', असेही इस्रायलने म्हटले आहे.
Web Summary : Iran's intelligence minister, Ismail Khatib, was killed in an airstrike, along with others. Israel's IDF claimed responsibility, citing Khatib's role in supporting terrorism and suppressing dissent. This action is part of a larger plan to weaken Iran's leadership.
Web Summary : ईरान के खुफिया मंत्री इस्माइल खतीब हवाई हमले में मारे गए, साथ में अन्य भी। इजराइल के आईडीएफ ने जिम्मेदारी ली, खतीब की आतंकवाद का समर्थन करने और असंतोष को दबाने में भूमिका का हवाला दिया। यह कार्रवाई ईरान के नेतृत्व को कमजोर करने की एक बड़ी योजना का हिस्सा है।