पाकला चँपियन्स ट्रॉफीबाहेर काढण्यासाठी बांग्लादेशाला जिंकवण्याचा भारताचा कट?
By Admin | Updated: June 22, 2015 16:08 IST2015-06-22T15:55:37+5:302015-06-22T16:08:18+5:30
भारताचा बांग्लादेशविरोधात झालेला पराभव हा पाकिस्तानला चँपियन्स ट्रॉफीबाहेर काढण्याचा कट असल्याचा खळबळजनक आरोप पाकिस्तानचा माजी गोलंदाज सर्फराज नवाझ याने केला आहे.
पाकला चँपियन्स ट्रॉफीबाहेर काढण्यासाठी बांग्लादेशाला जिंकवण्याचा भारताचा कट?
ऑनलाइन लोकमत
इस्लामाबाद (पाकिस्तान), दि. २२ - भारताचा बांग्लादेशविरोधात झालेला पराभव हा पाकिस्तानला चँपियन्स ट्रॉफीबाहेर काढण्याचा कट असल्याचा खळबळजनक आरोप पाकिस्तानचा माजी गोलंदाज सर्फराज नवाझ याने केला आहे. भारताला कधीच पाकिस्तान चँपियन्स ट्रॉफीत नको असायचा त्यामुळे पात्र संघाच्या यादीतून पाकिस्तानला बाहेर हुसकावण्यासाठी भारत जाणुबूजून बांग्लादेशाविरोधात एकदिवसीय मालिका हरत असल्याचा खळबळजनक आरोप सर्फराझने केला आहे.
येती चँपियन्स टॉफी २०१७ मध्ये इंग्लंड व वेल्समध्ये होणार आहे. येत्या ३० सप्टेंबर रोजी जागतिक क्रमवारीत जे सर्वोत्कृष्ट ८ संघ असतिल त्यांचाच समावेश चँपियन्स ट्रॉफीमध्ये होणार आहे.
बांग्लादेशच्या भारतावरील विजयानंतर पाकिस्तान एकदिवसीय रँकिंगमध्ये नवव्या स्थानावर गेले आहे तर बांग्लादेश सातव्या स्थानावर आला आहे. पाकिस्तान यानंतर पाच एकदविसीय सामन्यांची केवळ एक मालिका श्रीलंकेशी श्रीलंकेमध्ये खेळणार आहे, जी त्यांच्यासाठी नक्कीच आव्हानात्मक असेल.
बांग्लादेशाने भारताचा पहिल्या सामन्यात ७९ धावांनी पराभव केला तर दुस-या सामन्यात सहा गडी राखून हरवले आणि मालिका खिशात टाकली. याआधी पाकिस्तानला ३-० असे हरवणा-या बांग्लादेशने भारताविरुद्धची मालिका जिंकत चँपियन्स ट्रॉफीमध्ये प्रवेश निश्चित केला आहे आणि पाकिस्तान चँपियन्स ट्रॉफीबाहेर फेकले जाण्याची शक्यता निर्माण झाली आहे.
सर्फराझच्या या आरोपांचा समावेश असलेल्या मुलाखतीची क्लिप सोशल मीडियावर चांगलीत व्हायरल झाली असून भारतीय संघ या बाबत काय प्रतिक्रिया व्यक्त करतो हे बघण्याची उत्सुकता क्रीडा रसिकांना लागली आहे.
एकदिवसीय आयसीसी क्रिकेट रँकिंग खालीलप्रमाणे:
स्थानसंघरेटिंग
१ऑस्ट्रेलिया १२९
२भारत ११४
३न्यूझिलंड ११२
४द. अफ्रिका ११२
५श्रीलंका१०६
६इंग्लंड९८
७बांग्लादेश ९३
८वेस्ट इंडिज ८८
९पाकिस्तान ८७
१०आयर्लंड ५०
११झिम्बाब्वे ४४
१२अफगाणिस्तान४१
