डुकराची पिले अशा शब्दात रशियाचे अध्यक्ष व्लादिमीर पुतीन यांनी युरोपीय नेत्यांची खिल्ली उडवली. जर कीव अर्थात युक्रेन आणि त्याचे पश्चिमेकडील समर्थकांनी अमेरिकेचा पाठिंबा असलेल्या शांतता प्रस्तावावर चर्चा केली नाही. तर मॉस्को ताकदीचा वापर करून युक्रेनचा आणखी भाग ताब्यात घेईल. रशियाच्या संरक्षण मंत्रालयाची वार्षिक बैठक झाली. या बैठकीत ते बोलत होते.
संरक्षण मंत्रालयाच्या बैठकीत बोलताना व्लादिमीर पुतीन यांनी युरोपीय नेत्यांचा उल्लेख डुकरांच्या औलादी असा केला. पश्चिमेकडील देश जाणीवपूर्वक रशियाविरोधात भीतीचे वातावरण तयार करत आहेत, असेही ते म्हणाले.
नाटो देश खोट्या अफवा पसरवताहेत
बैठकीत बोलताना पुतीन म्हणाले, "हे सगळं खोटं आहे. निराधार आहे. रशिया नाटो देशांवर हल्ले करत असल्याच्या अफवा पसरवत आहेत. युरोपीय देशांवर हल्ला करण्याचा रशियाचा कोणताही विचार नाही. पण, जाणूनबुजून हे सगळे केले जात आहे."
पुतीन म्हणाले की, 'जर चर्चेतून ठोस तोडगा निघाला नाही. समाधानकारक मार्ग निघाला नाही. तर लष्करी कारवाई हा एकच रस्ता असेल. रशियाचे सैन्य सर्व आघाड्यांवर आगेकूच करत आहे आणि रशिया मुत्सद्देगिरी किंवा सैन्याच्या माध्यमातून आपली ऐतिहासिक भूमी मुक्त करेल. कारण युद्ध संपवण्यासाठी अमेरिकेच्या नेतृत्वाखाली सुरू असलेले प्रयत्न सध्या थांबलेले आहेत. पश्मिमेकडील देशांचा दबाव झगारून देत रशिया पुढेच जात राहील.'
युक्रेनच्या १९ टक्के भूभागावर रशियाचा ताबा
रॉयटर्स वृत्तसंस्थेच्या रिपोर्टनुसार, आतापर्यंत रशियाने युक्रेनचा १९ टक्के भूभाग बळाकावला आहे. यात २०१४ मधील क्रिमियासह डोनबासचा जास्त भाग आहे. खेरसान आणि प्रदेशाचाही भूभाग रशियाने बळकावला आहे.
Web Summary : Putin threatened to seize more Ukrainian territory if peace talks fail. He insulted European leaders, accusing them of spreading false anti-Russia narratives and deliberately creating fear. Russia denies plans to attack NATO countries but will continue military action if necessary.
Web Summary : पुतिन ने शांति वार्ता विफल होने पर यूक्रेन के और क्षेत्र पर कब्जा करने की धमकी दी। उन्होंने यूरोपीय नेताओं का अपमान किया, उन पर झूठी रूस विरोधी बातें फैलाने और जानबूझकर डर पैदा करने का आरोप लगाया। रूस ने नाटो देशों पर हमला करने की योजना से इनकार किया, लेकिन जरूरत पड़ने पर सैन्य कार्रवाई जारी रखेगा।