नवी दिल्ली - भारताविरोधात लढाईत पाकिस्तानला मदत करून शस्त्र पुरवणाऱ्या तुर्कीला मोठी किंमत मोजावी लागणार आहे. ज्याप्रकारे तुर्कीने पाकिस्तानला शस्त्रे पुरवली तसेच त्याच्याविरोधातील युद्धात भारत तुर्कीचा विरोधक ग्रीसची सैन्य ताकद वाढवणार आहे असं भारतीय सैन्याचे माजी मेजर जनरल जीडी बख्शी यांनी म्हटलं. त्यांनी ग्रीससमोर ब्रह्मोस सुपरसोनिक क्रूज मिसाइल खरेदी करण्याचा प्रस्ताव ठेवला. तुर्कीचा कट्टर शत्रू ग्रीससोबत मैत्री आणि पूर्व मध्य सागरात भारताची हजेरी रेसेप तैय्यप एर्दोगनविरोधात नवं आव्हान निर्माण होऊ शकते असं त्यांनी सांगितले.
ग्रीक वेबसाइट Directus शी बोलताना जनरल जीडी बख्शी म्हणाले की, ब्रह्मोस सुपरसोनिक मिसाईल, आकाश एअर डिफेन्स सिस्टम आणि पिनाका मिसाईल लॉन्चर ग्रीस भारताकडून खरेदी करू शकतो. त्याची युद्धात चाचणीही झाली आहे. संपूर्ण जगाने त्याची चांगली कामगिरी पाहिली आहे. ब्रह्मोस मिसाईलला अडवता येऊ शकत नाही असं त्यांनी म्हटलं.
त्याशिवाय भारताने ८ टँक बनवले आहेत. ज्याला तोपखाना प्रणालीत विकसित केले आहेत. भारताचे हे शस्त्र तुर्कीला घाम फोडू शकते. जर तुर्कीचा ग्रीस अथवा सायप्रससोबत काही वाद झाला तर भारतीय शस्त्रांच्या मदतीने हे देश तुर्कीला धूळ चारू शकतात असंही जीडी बख्शी यांनी दावा केला आहे. भारताने ग्रीस आणि सायप्रसला मदत करून तुर्कीला डोळे वटारून दाखवले पाहिजे. ज्याप्रकारे तुर्कीने पाकिस्तानची मदत भारताविरोधात जाण्याची हिंमत केली त्याची किंमत त्याला चुकवावी लागेल असंही बख्शी यांनी इशारा दिला.
दरम्यान, तुर्कीने पाकिस्तानला ड्रोन्स आणि शस्त्रे पुरवली होती. ज्यात एअरबेसचे २ मोबाईल कमांड आणि कंट्रोल सेंटरचाही समावेश होता. त्याला भारताने उद्ध्वस्त केले. भारताने पाकिस्तानातील नूरखान एअरबेस उद्ध्वस्त केले. आता तुर्कीने पाकिस्तानला जमिनीवरून मारा करणारी मिसाईल विकण्याची तयारी केली आहे कारण चीनच्या मिसाईलने पाकिस्तानची फजिती झाली. चिनी शस्त्रांनी भारतीय ताकदीसमोर नांगी टाकली असंही माजी जनरल बख्शी यांनी म्हटलं.
"मुस्लीम देशांचे नेतृत्व करायचंय..."
तुर्कीचे राष्ट्रपती रेसेप तैय्यप एर्दोगन जगात मुस्लिम देशांचे नेतृत्व करू इच्छितो. एर्दोगनला ऑटोमन साम्राज्य पुन्हा प्रस्थापित करायचंय. तुर्कीची अर्थव्यवस्था संकटात आहे. देशातंर्गत राजकीय समस्येला तुर्की तोंड देत आहे. एर्दोगनला यांना सौदी अरबला हटवून तुर्कीला जगातील मुस्लीम वर्ल्ड केंद्र बनवायचे आहे असं बख्शी यांनी सांगितले.