रियाध - इराणच्या घातक मिसाइल हल्ल्यांनी खवळलेल्या आखाती देशांनी तेहरानला हल्ले रोखण्याची वॉर्निंग दिली आहे. अरब आणि इस्लामिक देशांच्या परराष्ट्र मंत्र्यांची रियाधमध्ये इराणी हल्ल्याच्या पार्श्वभूमीवर बैठकीचं आयोजन केले होते. बुधवारी झालेल्या या बैठकीत अझरबैजान, बहरीन, इजिप्त, जॉर्डन, कुवेत, लेबनान, पाकिस्तान, कतार, सौदी अरेबिया, सीरिया, तुर्की आणि UAE च्या परराष्ट्र मंत्र्यांनी सहभाग घेतला होता.
या बैठकीनंतर १२ इस्लामिक देशांनी इराणला तातडीने हल्ले बंद करण्याची वॉर्निंग देण्यात आली आहे. या देशांच्या संयुक्त निवेदनात म्हटलं की, इराणला सुरक्षा परिषदेचा प्रस्ताव २८१७ चे पालन करायला हवे. सर्व हल्ले तातडीने बंद करायला हवेत. शेजारील देशांविरोधात कुठलीही भडकवणारी कारवाई अथवा धमकी कोणत्याही अटीशिवाय बंद करावी. अरब देशांनी त्यांच्या सशस्त्र गटांना पाठिंबा देणे, निधी पुरवणे आणि शस्त्रे पुरवणे थांबवावे असंही आवाहन करण्यात आले आहे. इराणनं स्वतःची उद्दिष्ट्ये साध्य करण्यासाठी आणि या देशांच्या हिताच्या विरोधात हे करत आहे असंही या देशांनी म्हटलं.
इराण अरब देशांचे ऐकणार?
इराणनं होर्मुझच्या सामुद्रधुनीतील आंतरराष्ट्रीय जलवाहतुकीत अडथळा आणण्याच्या किंवा ती रोखण्याच्या उद्देशाने केलेल्या कोणत्याही उपाययोजना किंवा धमक्यांपासून दूर राहावे असं अरब देशांनी जारी केलेल्या एका निवेदनात इराणला आवाहन करण्यात आले आहे. तसेच बाब अल-मंदाबमधील सागरी सुरक्षेला धोका निर्माण करू नये असंही सांगण्यात आले आहे. इस्लामिक देशांच्या मंत्र्यांनी गल्फ कोऑपरेशन कौन्सिल (GCC) देश, जॉर्डन, अझरबैजान आणि तुर्कीवर इराणने केलेल्या हल्ल्यांवर चर्चा केली. इराणने अरब देशांमधील तेल प्रकल्प, कारखाने, विमानतळे, निवासी इमारती आणि राजनैतिक संकुलांवरही हल्ले केले आहेत.
दरम्यान, या निवेदनाच्या शेवटी सर्व इस्लामिक देशांच्या मंत्र्यांनी पुढील काळात सल्लामसलत आणि समन्वय सुरू ठेवण्याचा उल्लेख केला आहे. जेणेकरून यापुढच्या घडामोडींवर लक्ष ठेवणे आणि नव्याने उदभवणाऱ्या समस्यांचे मूल्यांकन करून एक समान भूमिका तयार करणे. आपली सुरक्षा, स्थिरता आणि सार्वभौमत्व जपण्यासाठी व आपल्या प्रदेशांवरील "इराणचे घृणास्पद हल्ले" रोखण्यासाठी आवश्यक कायदेशीर उपाय आणि कार्यपद्धतींचा अवलंब करणे या हेतूने इस्लामिक देश इराणविरोधात एकवटले आहेत.
Web Summary : Following missile attacks, twelve Islamic nations, including Saudi Arabia and Pakistan, have warned Iran to cease hostilities. They demand Iran adhere to UN resolutions and stop supporting armed groups, aiming to safeguard regional security and sovereignty.
Web Summary : मिसाइल हमलों के बाद, सऊदी अरब और पाकिस्तान सहित बारह इस्लामिक देशों ने ईरान को शत्रुता समाप्त करने की चेतावनी दी है। उन्होंने ईरान से संयुक्त राष्ट्र के प्रस्तावों का पालन करने और सशस्त्र समूहों का समर्थन बंद करने की मांग की, जिसका उद्देश्य क्षेत्रीय सुरक्षा और संप्रभुता की रक्षा करना है।