मागील दोन दिवसांपासून अमेरिका-इस्रायल या दोन देशांनी इराणवर हल्ला केला आहे. या हल्ल्यात इराणचे प्रमुख नेते खामेनेई यांचा मृत्यू झाला. दरम्यान, आता इराणनेही प्रतिहल्ले करण्यास सुरुवात केली आहे. इराणने युएई येथील अमेरिकन सैन्याच्या बेसवर हल्ले केले आहे. याचा फटका क्लाउड सेंटरला बसला आहे. अॅमेझॉनच्या क्लाउड युनिट, AWS नुसार, UAE मधील डेटा सेंटर्समध्ये आग लागल्याची नोंद झाली आहे. संयुक्त अरब अमिराती मधील त्यांच्या एका डेटा सेंटरचा वीजपुरवठा तात्पुरता खंडित करावा लागला, अशी माहिती अॅमेझॉनने दिली.
अमेरिका आणि इस्रायलने केलेल्या हल्ल्यांनंतर, युएई सध्या इराणकडून प्रत्युत्तरात्मक क्षेपणास्त्र आणि ड्रोन हल्ल्यांना तोंड देत आहे. इराणी हल्ल्यांमध्ये युएई मधील विमानतळ, बंदरे आणि निवासी क्षेत्रे आणि आखाती प्रदेशात नुकसतान झाले आहे.
डेटा सेंटर म्हणजे काय?
अॅमेझॉन डेटा सेंटर्स हे 'अॅमेझॉन वेब सर्व्हिसेस'द्वारे चालवले जाणारे मोठे सर्व्हर सेंटर आहेत. येथे हजारो आणि लाखो संगणक सर्व्हर एकाच वेळी काम करतात. हे सर्व्हर जगभरातील वेबसाइट्स, अॅप्स आणि ऑनलाइन सेवांसाठी डेटा संग्रहित करतात. हे सेंटर बंद असेल तर त्याचा परिणाम इंटरनेट सेवेवर होऊ शकतो.
इराणवरील हल्ल्यानंतर, संपूर्ण मध्य पूर्वेत तणाव दिसून येतो. तिन्ही देशांच्या सैन्याने तयारी हल्ले सुरू केले आहेत. दरम्यान, इराणने मध्य पूर्वेतील विविध देशांमध्ये अमेरिकन लष्करी तळांवर हल्ला करून अमेरिका आणि इस्रायली हल्ल्यांना प्रत्युत्तर दिले आहे. अनेक इस्रायली शहरांवरही हल्ला झाला आहे.
Web Summary : Following US-Israel strikes, Iran retaliated, hitting a UAE Amazon data center, causing a power outage. Data centers store vast information, impacting global internet services. Middle East tensions escalate as attacks continue, raising regional instability fears.
Web Summary : अमेरिका-इज़राइल के हमलों के बाद ईरान ने यूएई में अमेज़ॅन के डेटा सेंटर पर हमला किया, जिससे बिजली गुल हो गई। डेटा सेंटर बड़ी मात्रा में जानकारी संग्रहीत करते हैं, जिससे वैश्विक इंटरनेट सेवाएं प्रभावित होती हैं। हमलों से मध्य पूर्व में तनाव बढ़ गया है।