Donald Trump Twitter Account: Teslaचे प्रमुख इलॉन मस्क यांनी Twitterचा ताबा मिळवल्यानंतर अमेरिकेचे माजी राष्ट्राध्यक्ष डोनाल्ड ट्रम्प (Donald Trump) यांच्या ट्विटरवर परत येण्याबाबत जोरदार चर्चा सुरू होती. अखेर डोनाल्ड ट्रम्प यांचे ट्विटरवर पुनरागमन झालेच. याबाबत आता ट्विटरवर अनेक मजेशीर मीम्स शेअर केले जात आहेत.
काही दिवसांपूर्वीच इलॉन मस्क यांनी ट्विटरचा ताबा मिळवला. यानंतर त्यांनी अनेक निर्णय घेतले. यातच आता त्यांनी एका ट्विटद्वारे जाहीर केले की, माजी राष्ट्राध्यक्ष डोनाल्ड ट्रम्प पुन्हा एकदा ट्विटरवर परतले आहेत. यानंतर ट्रम्प सोशल मीडियावर ट्रेंड करत आहेत.
डोनाल्ड ट्रम्प यांचे ट्विटर अकाउंट रिस्टोअर करण्यात आले आहे. इलॉन मस्क सांगतात की, त्यांनी याबाबत एक पोलही घेतला होता. मतदानाच्या आधारेच डोनाल्ड ट्रम्प यांचे ट्विटर अकाऊंट रिस्टोअर करण्यात आल्याचे त्यांचे म्हणणे आहे.
इलॉन मस्कच्या या निर्णयानंतर सोशल मीडियावर अनेक मीम्स शेअर होत आहेत. ज्यामध्ये प्रामुख्याने डोनाल्ड ट्रम्प, इलोन मस्क आणि जो बायडेन दिसत आहेत.
रिस्टोअर झाल्यानंतर डोनाल्ड ट्रम्प यांनी अद्याप एकही ट्विट केलेले नाही. दरम्यान, ट्रम्प परतल्यानंतर त्यांच्या फॉलोअर्सची संख्याही झपाट्याने वाढत आहे.
यूजर्स हॉलिवूड किंवा भातीय चित्रपटांचे मजेशीर मीम्स शेअर करत आहेत, ज्यातून ट्रम्प आणि मस्क यांना दाखवण्यात येत आहे.
बॉलिवूड चित्रपट बाजीराव मस्तानीच्या 'मल्हारी' या हिट गाण्यावर रणवीर सिंगच्या चेहऱ्यावर डोनाल्ड ट्रम्पचा चेहरा लावून एक व्हिडिओ शेअर करण्यात आला आहे.