बिजिंग : कोरोना व्हायरसचा पहिल्यांदा फैलाव चीनमध्ये झाला होता. आता या व्हायरसने अमेरिकेसह जगभरात थैमान घालण्यास सुरुवात केलेली आहे. यामुळे चीनवर मुद्दामहून कोरोना व्हायरस पसरविल्याचे आरोप होत आहेत. तर आता कोरोनामुळे पुन्हा चीनलाच धडकी भरली आहे. कारण न्यूयॉर्कहून आलेल्या प्रवाशांमुळे चीनचे दुसरे शहर लॉकडाऊन करावे लागले आहे.
चीनमध्ये कोरोनाने पुन्हा डोके वर काढले असून हेलोनजिआंग प्रांतातील हर्बिन हे एक कोटी लोकसंख्येचे शहर लॉकडाऊन करावे लागले आहे. मात्र, कोरोनाचा उद्रेक झालेले वुहान हे शहर पूर्वपदावर येऊ लागले आहे. हर्बिन शहरात मोठ्या प्रमाणावर कोरोना संदिग्ध नागरिकांची चाचणी करण्यास सुरुवात झाली आहे. खासकरून बाहेरून आलेल्या लोकांवर लक्ष केंद्रीत करण्यात आले आहे. व्हायरसचे संक्रमण वेळीच रोखल्यास कम्यूनिटी ट्रांसमिशनचा धोका टळणार आहे.
हर्बिन ही हेलोनजिआंग प्रांताची राजधानी आहे. या शहरामध्ये लोकांच्या एकत्र येण्यावर बंदी घालण्यात आली आहे. तसेच कोणत्याही सार्वजनिक ठिकाणी जाताना सरकारी अॅपद्वारे कोरोना नसल्याची हमी द्यावी लागणार आहे. याद्वारे त्या ठिकाणी तामपान पाहिले जाणार असून मास्कही घालावे लागणाक आहे. तसेच सोशल डिस्टन्सिंगचे पालन करावे लागणार आहे. लग्न, अंत्य संस्कार, बैठका यावर बंदी आणण्यात आली आहे. हे जवळपास १ कोटी लोकसंख्या असलेले शहर आहे.
आणखी वाचा...
अमेरिकेने वाळीत टाकले, चीनने WHO साठी अख्खी तिजोरीच खुली केली
सावधान! आता पीएफ अॅडव्हान्स काढाल तर 10 वर्षांनी पस्तावाल
मुलगा झाला म्हणून अख्ख्या पंचक्रोशीत बत्ताशे, लाडू वाटले; निघाला कोरोना पॉझिटिव्ह
विखारी पाकिस्तान! भारताविरोधात मोठ्या सायबर युद्धाला सुरुवात