पश्चिम आशियातील वाढत्या तणावामुळे आणि अमेरिका-इराण युद्धामुळे जगावर ऊर्जा संकटाचे सावट असताना चीन मात्र मोठ्या प्रमाणात सुरक्षित दिसत आहे. जगातील सर्वात मोठा तेल आयातदार देश असूनही, चीनने गेल्या २० वर्षांपासून राबवलेल्या दूरगामी धोरणांमुळे आज त्यांच्यावर या युद्धाचा परिणाम इतर देशांच्या तुलनेत कमी होत आहे.
चीनने २००४ पासूनच 'इमर्जन्सी ऑईल रिझर्व्ह' बनवण्यास सुरुवात केली होती. मलक्का सामुद्रधुनीसारख्या मार्गांवरून होणारा पुरवठा भविष्यात विस्कळीत होऊ शकतो, हे ओळखून चीनने मोठ्या प्रमाणात कच्च्या तेलाचा साठा करून ठेवला आहे. त्यामुळे सध्याच्या युद्धजन्य परिस्थितीतही चीनकडे पुरेसा साठा उपलब्ध आहे.
चीन आता पेट्रोल-डिझेलच्या गाड्यांवरून वेगाने इलेक्ट्रिक वाहनांकडे वळला आहे. सौर ऊर्जा, पवन ऊर्जा आणि जलविद्युत प्रकल्पांमध्ये चीनने केलेली अफाट गुंतवणूक आता फळाला येत आहे. यामुळे तेलावरील त्यांची अवलंबित्व हळूहळू कमी होत आहे.
कोळशापासून केमिकल निर्मितीचे तंत्रदुसऱ्या महायुद्धात जर्मनीने वापरलेल्या तंत्रज्ञानाचा वापर करून चीनने आता कोळशापासून मेथेनॉल आणि सिंथेटिक अमोनिया यांसारखी महत्त्वाची रसायने बनवण्यास सुरुवात केली आहे. यामुळे प्लास्टिक आणि रबर उद्योगासाठी त्यांना परदेशातून येणाऱ्या तेलावर अवलंबून राहावे लागत नाही.
जगाचे चीनवर वाढते अवलंबित्वआज व्हिएतनाम आणि फिलीपिन्ससारखे देश ऊर्जा संकटात चीनकडे मदतीची याचना करत आहेत. जगातील पाऊण हिस्सा पॉलिस्टर आणि नायलॉन आजही चीनमध्येच बनते. मात्र, एवढे असूनही चीन अजूनही आपल्या गरजेच्या ७५% तेल आयात करतो, हीच त्यांची एकमेव कमकुवत बाजू आहे.
Web Summary : Amidst global energy crisis, China's strategic oil reserves and investments in renewables shield it. Coal-to-chemical technology reduces reliance on imported oil. Vietnam and Philippines seek China's help. Dependence on 75% oil import remains a vulnerability.
Web Summary : वैश्विक ऊर्जा संकट के बीच, चीन का रणनीतिक तेल भंडार और नवीकरणीय ऊर्जा में निवेश इसे सुरक्षित रखता है। कोयले से रसायन प्रौद्योगिकी आयातित तेल पर निर्भरता कम करती है। वियतनाम और फिलीपींस चीन से मदद मांग रहे हैं। 75% तेल आयात पर निर्भरता अभी भी एक कमजोरी है।