दक्षिणी गाझामध्ये यूनिस परिसरात हमासने इस्त्रायली सैन्यावर मोठा हल्ला केला. या हल्ल्यात इस्त्रायलच्या सात जवानांचा मृत्यू झाला आहे. यामध्ये एका अधिकाऱ्याचाही समावेश आहे. सर्व मृत सैनिक ६०५ व्या कॉम्बॅट इंजिनिअरिंग बटालियनचे होते. पॅलेस्टिनी संघटना हमासची लष्करी शाखा अल-कसम ब्रिगेड्सने या हल्ल्याची जबाबदारी स्वीकारली आहे.
बापरे! इराणमधील ४०० किलो युरेनियम गायब; अमेरिकेचे उपराष्ट्राध्यक्ष जेडी वेन्सनी अखेर मान्य केले
इस्त्रायल लष्कराच्या एका अधिकाऱ्याने याबाबत माहिती दिली. मंगळवारी दक्षिण गाझामधील खान युनूस शहरात इस्रायली चिलखती वाहनाने स्फोटक यंत्राला धडक दिल्याने सात सैनिक ठार झाले, अशी माहिती अधिकाऱ्यांनी दिली. लष्करी नियमांनुसार नाव न सांगण्याच्या अटीवर अधिकाऱ्याने सांगितले की, सहा सैनिकांची ओळख जाहीर करण्यात आली आहे तर एकाची ओळख गुप्त ठेवण्यात आली आहे.
मंगळवारी खान युनूस परिसरात झालेल्या गोळीबारात एक सैनिक गंभीर जखमी झाल्याचे लष्कराने सांगितले. हमासच्या लष्करी शाखेने, अल-कसम ब्रिगेड्सने त्यांच्या टेलिग्राम चॅनेलवर सांगितले की, त्यांनी दक्षिण गाझा पट्टीतील एका निवासी इमारतीत लपलेल्या इस्रायली सैनिकांवर हल्ला केला. 'दक्षिण खान युनूसमध्ये यासीन १०५ क्षेपणास्त्र आणि आणखी एक क्षेपणास्त्र त्यांच्यावर आदळल्याने काही सैनिक ठार झाले आणि काही जखमी झाले. त्यानंतर अल-कसमच्या सैनिकांनी मशीन गनने इमारतीला लक्ष्य केले, असं हमासने म्हटले आहे.
अमेरिकेचे उपराष्ट्राध्यक्ष जेडी वेन्सनी अखेर मान्य केले
अमेरिकेचे राष्ट्राध्यक्ष डोनाल्ड ट्रम्प यांनी युद्धविरामाची घोषणा करूनही इराण आणि इस्रायलचे हल्ले काही काळ सुरुच होते. यानंतर मंगळवारी दुपारी दोन्ही देश युद्धविराम करण्यासाठी तयार असल्याची घोषणा करण्यात आली आणि सर्वांनी सुटकेचा नि:श्वास सोडला. परंतू, आता पुढचे टेन्शन सुरु झाले आहे. अमेरिकेने इराणच्या तीन अणुस्थळांवर हल्ला केला होता. या हल्ल्यानंतर तेथील तब्बल ४०० किलो शुद्धीकरण केलेले युरेनियम गायब झाले आहे.
इराणच्या समृद्ध युरेनियमचा साठा असलेल्या सेंट्रीफ्युजना धक्काही लागला नसल्याचा पेंटागॉनचाच रिपोर्ट व्हायरल झाला होता. डोनाल्ड ट्रम्प यांनी सारवासारव करत तो खोटा रिपोर्ट असल्याचे सांगण्याचा प्रयत्न केला. परंतू, आता उपराष्ट्राध्यक्ष जेडी वेन्स यांनीच एबीसी न्यूजला 400 किलोग्राम युरेनियम गायब झाल्याचे कबुल केले आहे. धक्कादायक बाब म्हणजे हा साठा एवढा प्रचंड आहे की त्याद्वारे १० अणुबॉम्ब तयार करता येऊ शकतात.