रमजानचा पवित्र महिना सुरू झाला असून या महिन्यात जगभरातील मुस्लीम समाजातील लोक रोजा पाळत असतात. या काळात फळांना प्रचंड मागणी असते. मात्र शेजारील देश असलेल्या पाकिस्तानमध्ये सध्या फळांच्या किमती पार आकाश भिडल्या आहेत. खजूर, केळी, पपई आदी फळांना तर अक्षरशः सोन्याचा भाव आला आहे. सोशल मीडियावर सध्या एक व्हिडिओ प्रचंड व्हायरल होत आहे, यामध्ये सांगण्यात आलेले पाकिस्तानातील फळांचे दर ऐकून कुणाचेही डोळे पांढरे होतील.
भारतीय ब्लॉगर रिझवान याने इंस्टाग्राम अकाउंटवर हा व्हिडिओ शेअर केला आहे. भारतीय ब्लॉगरने पाकिस्तान भेटीदरम्यान एका फळविक्रेत्याकडे जाऊन फळांचे भाव विचारले. दुकानदाराने केळीच्या तीन जाती दाखवल्या, ज्यांचे दर २०० ते ३०० रुपयांपर्यंत होते. थक्क करणारी गोष्ट म्हणजे, पपईचा दर तब्बल ४०० रुपये किलो एवढा सांगण्यात आला.
यातही सफरचंद आणि खजूरचे दर तर काळजाचा ठोका चुकवणारे आहेत. विक्रेत्याने सफरचंदाचा दर ५०० रुपये किलो तर माल्टा (संत्री सदृश फळ)चा दर २५० ते ४५० रुपये किलो एवढा सागितला. रमजानमध्ये सर्वाधिक मागणी असलेल्या खजूरचा भाव चक्क १२०० रुपये किलोपर्यंत पोहोचला आहे. हे सर्व दर पाकिस्तानी चलनातील आहेत.
हा व्हिडिओ 'rizwansidravlog' या पेजवरून शेअर करण्यात आला असून आतापर्यंत लाखो लोकांनी बघितला आहे. यावर नेटकऱ्यांनी विविध प्रतिक्रिया दिल्या आहेत. "पाकिस्तानी लोक एवढ्या महागाईत कसे जगत असतील?" असा प्रश्न एका युजरने विचारला आहे, तर "आमच्याकडे पपई ४० रुपये किलो आहे," असे म्हणत काहींनी आश्चर्य व्यक्त केले आहे. काहींनी तर पाकिस्तानातील लोकांना फळांवर बहिष्कार टाकण्याचा सल्ला दिला आहे.
Web Summary : During Ramadan, fruit prices in Pakistan have skyrocketed. Bananas cost ₹300, and papaya costs ₹400 per kg. Apples, dates, and other fruits are also exorbitant, shocking consumers. A video highlighting these prices has gone viral.
Web Summary : रमजान के दौरान पाकिस्तान में फलों की कीमतें आसमान छू रही हैं। केले ₹300 और पपीता ₹400 प्रति किलो है। सेब, खजूर और अन्य फल भी बहुत महंगे हैं, जिससे उपभोक्ता हैरान हैं। इन कीमतों को उजागर करने वाला एक वीडियो वायरल हुआ है।