पाकिस्तानातील सिंध प्रांतात जाफर एक्सप्रेस ट्रेनला लक्ष्य करण्यात आले. मंगळवारी जेकबाबादच्या पशु बाजाराजवळील रेल्वे ट्रॅकवर मोठा स्फोट झाला, यामुळे जाफर एक्सप्रेसचे सहा डबे रुळावरून घसरले. स्फोट होताच प्रवाशांची प्रकृती बिकट झाली. सुदैवाने यावेळी कोणतीही जीवितहानी किंवा मालमत्तेचे नुकसान झाले नाही. स्फोटानंतर लगेचच पोलिस आणि सुरक्षा दलांनी परिसराला वेढा घातला. या प्रकरणाची चौकशी सुरू आहे. हा स्फोट कोणत्या प्रकारचा होता याचा तपास सुरू केला आहे. हा आयईडी होता की इतर काही स्फोटक? स्थानिक प्रशासन याला दहशतवादाशी संबंधित कट मानत आहे, कारण दोन महिन्यांपूर्वी या ट्रेनवर एक भयानक हल्ला झाला होता.
दिल्लीवरुन बालीला जाणारे Air India चे विमान माघारी परतले; ज्वालामुखी उद्रेकामुळे घेतला निर्णय
११ मार्च २०२५ रोजी, बलुचिस्तान लिबरेशन आर्मीच्या बंडखोरांनी जाफर एक्सप्रेसचे अपहरण केले. त्यावेळी ट्रेनमध्ये असलेल्या ४४० लोकांपैकी २१ निष्पाप नागरिक आणि ४ पाकिस्तानी सैनिकांना आपला जीव गमवावा लागला. दहशतवाद्यांनी आधी इंजिनखाली स्फोटके ठेवून ट्रेन थांबवली, नंतर शस्त्रांनी सज्ज होऊन हल्ला केला आणि प्रवाशांना ओलीस ठेवले.
बीएलएने आव्हान दिले होते
मे २०२५ मध्ये, बीएलएच्या मीडिया विंग 'हक्कल' ने ३५ मिनिटांचा एक व्हिडीओ प्रसिद्ध केला. यामध्ये त्यांनी मार्चमध्ये झालेल्या हल्ल्याला 'ऑपरेशन दारा-ए-बोलान 2.0 असे नाव दिले. व्हिडिओमध्ये दहशतवाद्यांचे प्रशिक्षण, हल्ल्याची रणनीती आणि पाकिस्तानी सैन्याविरुद्ध हल्ल्याची योजना दाखवण्यात आली होती.