America President Donald Trump: युक्रेन-रशिया युद्ध, भारत पाकिस्तान लष्करी संघर्ष आणि आता इराणइस्रायल संघर्ष. तिन्ही ठिकाणी अमेरिकेचे अध्यक्ष डोनाल्ड ट्रम्प मध्यस्थी करताना दिसले. इराण आणि इस्रायलमधील युद्धविरामानंतर आता अमेरिकेचे राष्ट्राध्यक्ष डोनाल्ड ट्रम्प यांचा सूर बदलले. अमेरिका आता इराणच्या नागरी ऊर्जा अणुकार्यक्रमासाठी २० ते ३० अब्ज डॉलर्सची मदत करणार आहे. शिवाय, त्यावर लादलेल्या निर्बंधांमध्येही सवलत देऊ शकतो, अशी सूत्रांची माहिती आहे. परंतु, आता डोनाल्ड ट्रम्प यांनी इराणचे प्रमुख खामेनी यांच्यावर जोरदार टीका केल्याचे पाहायला मिळत आहे.
ट्रम्प यांची ही प्रतिक्रिया खामेनी यांच्या एका विधानानंतर आली. इराणने अमेरिका आणि इस्रायलला योग्य उत्तर दिले आहे आणि हे युद्ध जिंकले आहे. कतारमधील अमेरिकन लष्करी तळावर हल्ला करून तेहरानने अमेरिकेच्या तोंडावर चपराक लगावली. यावर, ट्रम्प यांनी 'ट्रुथ सोशल' या सोशल मीडिया प्लॅटफॉर्मवर म्हटले आहे की, १२ दिवसांच्या इस्रायल आणि अमेरिकन हल्ल्यांमुळे इराणच्या तीन प्रमुख अणुस्थळांचे गंभीर नुकसान झाले. तुम्ही देशातील एक धार्मिक आणि आदरणीय व्यक्ती आहात. तुम्हाला सत्य बोलावे लागेल. आता तुम्ही नरकात पोहोचला आहात, असे ट्रम्प यांनी खामेनी यांना उद्देशून बोलल्याचे म्हटले जात आहे.
तुमचा वाईट पद्धतीने पराभव केला
ते वास्तवापासून दूर जात आहे. तुमचा वाईट पद्धतीने पराभव झाला आहे, असे सांगत ट्रम्प यांनी एक मोठा खुलासा केला. युद्धाच्या सुरुवातीच्या काळात इस्रायलने एक योजना आखली होती, ज्यामध्ये खामेनी यांना हल्ल्यात ठार करण्यात येणार होते. पण मी स्वतः त्या योजनेला नकार दिला. कारण मला माहिती होते की, खामेनी कुठे लपले आहेत. मी मुद्दाम असे होऊ दिला नाही. मी त्यांना एका अतिशय भयानक आणि अपमानास्पद मृत्यूपासून वाचवले. यासाठी त्यांनी मला 'धन्यवाद' देण्याची गरज नाही, असा टोला ट्रम्प यांनी लगावला.
दरम्यान, इस्रायलचे संरक्षण मंत्री इस्रायल काट्झ यांनी म्हटले होते की, आम्ही इराणला अण्वस्त्रे आणि लांब पल्ल्याची क्षेपणास्त्रे विकसित करू देणार नाही. जर खामेनी आमच्या टार्गेटवर आले असते, तर आम्ही त्यांना नक्की मारले असते. आम्ही आमचे सर्वोत्तम प्रयत्न केले होते. इस्रायलने अमेरिकेकडून परवानगी घेतली आहे का? विचारले असता काट्झ म्हणाले की, या गोष्टींसाठी आम्हाला कोणाचीही परवानगी घेण्याची गरज नाही.