America-Israel-Iran Conflict:इराणवरअमेरिका आणि इस्रायलने संयुक्तपणे मोठा लष्करी हल्ला केला, ज्यात इराणचे सर्वोच्च नेते अयातुल्ला अली खामेनेई आणि त्यांच्या कुटुंबातील अनेक सदस्यांचा मृत्यू झाल्याचा दावा विविध आंतरराष्ट्रीय माध्यमांमध्ये करण्यात येतोय.
30 सेकंदांत 3 शहरांवर हल्ले?
मीडिया रिपोर्टनुसार, शनिवारी झालेल्या या हल्ल्याच्या पहिल्या टप्प्यात अवघ्या 30 सेकंदांत इराणमधील 3 महत्त्वाच्या शहरांना लक्ष्य करण्यात आले. या हल्ल्यांमध्ये सुमारे 30 वरिष्ठ राजकीय आणि लष्करी नेत्यांचा मृत्यू झाल्याचा दावा केला जातोय. विशेष म्हणजे, या संपूर्ण कारवाईत ‘30’ हा आकडा वारंवार समोर येत आहे. 30 सेकंद, 30 ठिकाणे, 30 नेते अन् 30 बॉम्ब.
खामेनेईंच्या कंपाउंडवर 30 बॉम्ब टाकले?
अमेरिका-इस्रायलने थेट खामेनेई ज्या ठिकाणी राहत होते, त्याच ठिकाणाला लक्ष्य केले. काही रिपोर्ट्सनुसार, खामेनेईंच्या ठिकाणावर सुमारे 30 शक्तिशाली बॉम्ब टाकण्यात आले, ज्यामुळे संपूर्ण परिसर उद्ध्वस्त झाला.
उत्तराधिकारी मानल्या जाणाऱ्या मुलाचाही मृत्यू?
द टाइम्स ऑफ इस्रायलच्या वृत्तानुसार, या हल्ल्यात खामेनेई यांचे पुत्र मोजतबा खामेनेई यांचाही मृत्यू झाल्याचा दावा आहे. मोजतबा यांना खामेनेई यांचा संभाव्य उत्तराधिकारी मानले जात होते. याशिवाय, खामेनेई यांची मुलगी, नातू, जावई आणि सून यांचाही मृत्यू झाल्याचे काही माध्यमांचे म्हणणे आहे.
मृत्यूपूर्वी वरिष्ठ नेत्यांशी भेट?
मीडिया रिपोर्ट्सनुसार, हल्ल्याच्या काही वेळ आधी खामेनेई यांनी अली शमखानी (वरिष्ठ सुरक्षा सल्लागार), अली लारीजानी (सुप्रीम नॅशनल सिक्युरिटी कौन्सिलचे सचिव) यांची एका सुरक्षित ठिकाणी भेट घेतली होती.
GBU-28 बंकर बस्टर बॉम्बचा वापर?
तज्ञांच्या मते, या हल्ल्यात GBU-28 लेझर गाईडेड बंकर बस्टर बॉम्ब वापरण्यात आल्याची शक्यता आहे. वॉल स्ट्रीट जर्नलच्या रिपोर्टनुसार, इस्रायली F-15I लढाऊ विमानांनी खामेनेईंच्या कॉम्प्लेक्सवर एकूण 30 बॉम्ब टाकले.
GBU-28 बॉम्बची वैशिष्ट्ये:
वजन: सुमारे 2268 किलो
लांबी: सुमारे 19 फूट
20-30 फूट जाड काँक्रीट भेदण्याची क्षमता
खोल अंडरग्राउंड बंकर उद्ध्वस्त करण्यासाठी डिझाइन
एकाच विमानातून 30 बॉम्ब शक्य?
लष्करी तज्ज्ञांच्या मते, एकही विमान 30 GBU-28 बॉम्ब वाहू शकत नाही. एका F-15 विमानात साधारणतः 1 ते 2 बॉम्ब नेले जातात. त्यामुळे हा हल्ला करण्यासाठी 15 ते 20 इस्रायली लढाऊ विमाने सहभागी असण्याची शक्यता वर्तवली जात आहे.
Web Summary : Reports claim a US-Israeli strike killed Iran's Khamenei and family. The alleged 30-second attack targeted three cities, killing 30 leaders. Some reports suggest 30 bombs hit Khamenei's compound, possibly using GBU-28 bunker busters. His son was also reportedly killed.
Web Summary : रिपोर्टों में दावा किया गया है कि अमेरिकी-इजरायली हमले में ईरान के खामेनेई और उनके परिवार की मौत हो गई। कथित 30 सेकंड के हमले में तीन शहरों को निशाना बनाया गया, जिसमें 30 नेता मारे गए। कुछ रिपोर्टों में सुझाव दिया गया है कि खामेनेई के परिसर पर 30 बम गिरे, संभवतः GBU-28 बंकर बस्टर का उपयोग किया गया। उनके बेटे की भी मौत की खबर है।