विमानातील शौचालयात एका जोडप्याला नको त्या अवस्थेत कर्मचाऱ्यांनी, प्रवाशांनी पकडल्याचा व्हिडीओ व्हायरल झाला आहे. लंडनच्या ल्यूटन येथून इबीझाला जाणाऱ्या ‘इजीजेट एअरलाइन’च्या विमानात ८ सप्टेंबर रोजी हा प्रकार घडला.
३० सेकंदांच्या व्हिडीओमध्ये, विमानातील कर्मचारी शौचालयाचा दरवाजा उघडताना दिसतो. त्यानंतरचे दृष्य बघून तो आणि अन्य प्रवासीही हैराण होतात. काय करावे? या संभ्रमात कर्मचारी असतानाच शौचालयातील पुरूष लगेच दार बंद करून घेतो.
‘इजीजेट एअरलाइन’ने ल्यूटन ते इबीझा या विमानात ही घटना घडल्याचे स्पष्ट केले. एअरलाइनच्या प्रवक्त्याने, ‘पोलिसांना माहिती दिली आणि विमान उतरताच त्यांना पोलिस चौकशीसाठी घेऊन गेले’, असे सांगितले. दरम्यान, जोडप्यावर काय कारवाई झाली, हे नेमके समजू शकले नाही. तथापि, व्हायरल व्हिडीओवर संताप व्यक्त होत आहे.