Youth Olympic Games 2018 : भारतीय मुलींना रौप्यपदकावर समाधान, अर्जेंटिनाकडून हार

Youth Olympic Games 2018 : युवा ऑलिम्पिक स्पर्धेत पदार्पण करणाऱ्या भारतीय मुलींच्या हॉकी संघाने रौप्यपदकाची कमाई केली.

ब्युनोस आयरिस : युवा ऑलिम्पिक स्पर्धेत पदार्पण करणाऱ्या भारतीय मुलींच्या हॉकी संघाने रौप्यपदकाची कमाई केली. अंतिम सामन्यात त्यांना यजमान अर्जेंटिनाकडून 1-3 असा पराभव पत्करावा लागला. भारतीय संघाने दणक्यात सुरूवात करताना पहिल्याच मिनिटाला 1-0 अशी आघाडी घेतली. परंतु, त्यानंतर यजमान संघाकडून झालेले आक्रमण थोपवण्यात भारतीय खेळाडूंना अपयश आले. 6 व्या मिनिटाला जियानेल्लाने अर्जेंटिनाला 1-1 अशी बरोबरी मिळवून दिली. त्यात सोफिया ( 9 मि.) आणि ब्रिसा ( 12 मि.) यांनी भर घालत अर्जेंटिनाची आघाडी मजबूत केली. ही पिछाडी भरून काढण्यात भारतीय संघ अपयशी ठरला आणि त्यांना रौप्यपदकावर समाधान मानावे लागले.