मुंबई - भारताच्या 18 वर्षांखालील पुरुष हॉकी संघाला युवा ऑलिम्पिक स्पर्धेत सलामीच्या लढतीत बांगलादेशचा सामना करावा लागणार आहे. अर्जेंटिना येथे होणाऱ्या या स्पर्धेत 7 ऑक्टोबर भारत-बांगलादेश सामना होईल, त्याच दिवशी महिलांचा संघ बलाढ्य ऑस्ट्रियाचा सामना करणार आहे. या स्पर्धेत प्रत्येकी पाच खेळाडूंचा समावेश असलेल्या संघांमध्ये हॉकी स्पर्धा खेळवण्यात येणार आहे. भारतीय पुरुष संघाला 'ब' गटात स्थान देण्याक आले आहे. विवेक सागर प्रसाद भारतीत संघाचे नेतृत्व सांभाळणार आहे. भारताला ऑस्ट्रिया (8 ऑक्टोबर), केनिया ( 9 ऑक्टोबर), 2014च्या युवा ऑलिम्पिक स्पर्धेतील सुवर्णपदक विजेत्या ऑस्ट्रेलिया ( 10 ऑक्टोबर) आणि रौप्यपदक विजेत्या कॅनडा ( 11 ऑक्टोबर) यांचा सामना करावा लागणार आहे. 'अ' गटात अर्जेंटिना, मलेशिया, मेक्सिको, पोलंड, व्हॅनौट आणि झाम्बीया यांचा समावेश आहे. महिला गात भारतीय संघाचे नेतृत्व सलिमा तेटे करणार आहे. भारताला 'अ' गटात उरुग्वे ( 8 ऑक्टोबर), व्हॅनौट (9 ऑक्टोबर), अर्जेंटिना ( 10 ऑक्टोबर), अर्जेंटिना ( 10 ऑक्टोबर), दक्षिण आफ्रिका ( 11 ऑक्टोबर) यांचा सामना करावा लागेल. 'ब' गटात ऑस्ट्रेलिया, चीन, मेक्सिको, नामिबिया, पोलंड आणि झिम्बाब्वे यांचा समावेश आहे.