हिंगोली : येथील भाजपाचे आमदार तान्हाजी मुटकुळे आणि शिंदेसेनेचे आमदार संतोष बांगर यांच्यातील संघर्ष वाढला असून, दररोज एकमेकांवर आरोप केले जात आहेत. हिंगोली येथील नगराध्यक्षपदाची जागा हेच दोन्ही आमदारांच्या संघर्षाचे मूळ आहे.
जिल्ह्यात नगरपालिका निवडणुकांची रणधुमाळी सुरू आहे. महायुतीमध्ये तिन्ही विधानसभांवर सत्तेतील तीन पक्षांचे वर्चस्व आहे. हिंगोली विधानसभेवर भाजपाचे वर्चस्व आहे. मागील वेळी येथील नगरपालिकादेखील भाजपच्या ताब्यात होती. त्यामुळे महायुतीमध्ये नगराध्यक्ष पदाच्या जागेवर भाजपने दावा सांगितला. मात्र आमदार संतोष बांगर यांनी हिंगोली नगरपालिकेसाठी ताकद लावली. त्यामुळे शिंदेसेनेकडून युती धर्म पाळला गेला नाही, अशी भाजपची भावना निर्माण झाली असून, त्यातूनच दोन्ही आमदारांमध्ये दुरावा निर्माण झाला.
नगरपालिका निवडणुकीच्या प्रचाराच्या निमित्ताने हा दुरावा आता संघर्षात रूपांतरित झाला असून, दोन्ही बाजूने वैयक्तिक पातळीवर टीका केल्या जात आहेत. आमदार संतोष बांगर यांनी सत्तांतराच्या वेळी एकनाथ शिंदे यांच्याकडून ५० खोके घेतल्याचा आरोप भाजपचे आमदार तान्हाजी मुटकुळे यांनी केला. त्यामुळे खळबळ उडाली. तर दुसरीकडे आमदार तान्हाजी मुटकुळे यांच्या दबावाखाली येऊन १०० पोलिसांनी माझ्या घराची झाडाझडती घेतली, असा आरोप शिंदेसेनेचे आमदार संतोष बांगर यांनी केला. याशिवाय दोन्ही आमदारांमध्ये वैयक्तिक पातळीवरदेखील आरोप सुरू आहेत.
हिंगोलीच्या नगराध्यक्ष पदावरून दोन्ही आमदारांमध्ये हा संघर्ष निर्माण झाला आहे. हिंगोलीची जागा आपल्याच पक्षाच्या ताब्यात रहावी, यासाठी ही रस्सीखेच सुरू असून, त्यातून आरोपांच्या फैरी झडत आहेत.
Web Summary : Hingoli's mayoral election fuels conflict between BJP's Mutkule and Shinde Sena's Bangar. Accusations fly amidst municipal polls, revealing deep-seated rivalry and power struggles over Hingoli's leadership. Personal attacks intensify as both aim for control.
Web Summary : हिंगोली का महापौर चुनाव बीजेपी के मुटकले और शिंदे सेना के बांगर के बीच संघर्ष को हवा दे रहा है। नगर निगम चुनावों के बीच आरोप-प्रत्यारोप, हिंगोली के नेतृत्व को लेकर गहरी प्रतिद्वंद्विता और सत्ता संघर्ष को उजागर करते हैं। नियंत्रण के उद्देश्य से व्यक्तिगत हमले तेज।