जिल्ह्यातील ४४७ पैकी ३६ पाणीनमुने दू्षित

यात औंढा तालुक्यातील सावरखेडा १, जांब १, फुलदाभा १ असे तीन ठिकाणी नमुने दूषित आढळले. वसमत तालुक्यातील मरसूलवाडी १, मरसूल १, चोंढी तांडा १, वाई १ असे चार नमुने दूषित आढळले. हिंगोली तालुक्यातील पहेनी १, उमरी १, कडती १, हनवतखेडा १ असे चार ठिकाणी नमुने दूषित आढळले. कळमनुरी तालुक्यातील सुकळीवीर २, राजुरा १, मसोड २, उमरा २, मुंढळ २, शिवनी बु. १, झरा १, धानोरा १, ढाेलक्याची वाडी १, कान्हेगाव १, कसबे धावंडा १, बळापूर मंचकनगर १, असे एकूण १६ नमुने दूषित आढळले आहेत.

सेनगाव तालुक्यात सापटगाव २, नागसिंगी २, खुडज १, लिंगदरी १, जामदया १, जाम आंध १, गोंडाळा २ असे दहा ठिकाणी पाणीनमुने दूषित आढळून आले आहेत.

याबाबतचा अहवाल भूवैज्ञानिक अधिकऱ्यांनी जिल्हा परिषदेला पाठविला असून, संबंधित ग्रामपंचायतींमार्फत या ठिकाणच्या जलस्रोतांच्या शुद्धीकरणासाठी सूचना देण्यात आल्या आहेत. या ठिकाणचे पाणी प्यायल्याने नागरिकांचे आरोग्य धोक्यात येऊ नये, याची काळजी घेण्यास सांगण्यात आले आहे.

तालुकानिहाय दूषित नमुने

औंढा ३

वसमत ४

हिंगोली ४

कळमनुरी १५

सेनगाव १०

दूषित पाण्यामुळे आजार पसरू नयेत, यासाठी दर महिन्याला आरोग्य विभागाकडून पाणीनमुने घेण्यात येतात. त्यात नमुना दूषित आढळल्यास त्या ठिकाणी पाणी शुद्धीकरणाचे उपाय आखण्याबाबत सूचना ग्रामपंचायतींना दिल्या जातात. मार्च महिन्यातील अहवालाबाबतही पंचायत विभागामार्फत कळविण्यात आले, असे साथरोग नियंत्रण अधिकारी डॉ. जोगदंड यांनी सांगितले.