कळमनुरी तालुक्यात संस्थात्मक प्रसूतीचा टक्का वाढला

तालुक्यात उपजिल्हा रुग्णालय १, प्राथमिक आरोग्य केंद्र ६ व ३१ आरोग्य उपकेंद्रे आहेत या वर्षात आतापर्यंत तालुक्यातील शासकीय रुग्णालयात १५२९ संस्थात्मक प्रसूती झालेल्या आहेत. उपजिल्हा रुग्णालयात वर्षभरात ३६५ प्रसूती झाल्या आहेत. आखाडाबाळापूरच्या प्राथमिक आरोग्य केंद्रात ४१२, डोंगरकडा १९०, मसोड १८१, पोतरा १८७, रामेश्वर तांडा ५१, वाकोडी ६, तर तालुक्यातील ३१ उपकेंद्रात १३७ संस्थात्मक प्रसूती झाल्या आहेत.

दुसरीकडे वाकोडी येथील प्राथमिक आरोग्य केंद्रात कमी प्रमाणात संस्थात्मक प्रसूती झाल्या आहेत. तालुक्यातील ३१ आरोग्य उपकेंद्रातही १३७ संस्थात्मक प्रसूती झाल्या आहेत. उपजिल्हा रुग्णालय, प्राथमिक आरोग्य केंद्र, आरोग्य उपकेंद्र व खासगी रुग्णालयात महिलांची प्रसूती झाल्यास त्यांना जननी सुरक्षा योजनेअंतर्गत बीपीएल व अनुसूचित जमातीच्या महिलांना प्रसूतीसाठी ७०० रुपये आर्थिक मदत दिल्या जाते. तसेच प्रधानमंत्री मातृवंदना योजनेअंतर्गत संस्थात्मक प्रसूती झालेल्या सर्व लाभार्थी महिलांना ५ हजार रुपये आर्थिक मदत दिली जाते. प्रधानमंत्री मातृवंदना योजनेत सर्वस्तरातील गरोदर व स्तनदा मातांना या योजनेचा लाभ दिला जातो.

अटींची पूर्तता करावी

शासनाने दिलेल्या अटींची पूर्तता केल्यास ३० दिवसांच्या आत प्रधानमंत्री मातृवंदना योजनेची रक्कम त्यांच्या ऑनलाइनद्वारे बँक खात्यावर जमा केली जाते. पहिल्या अपत्यासाठी मातेला पाच हजार रुपयाची आर्थिक मदत मिळते. यासाठी लाभार्थी मातेचे आधार संलग्न बँक खाते असणे गरजेचे आहे. जननी शिशू सुरक्षा कार्यक्रमांतर्गत गरोदर मातांना १०२ ॲम्ब्युलन्सची सुविधा मोफत उपलब्ध करून दिल्या जाते. तसेच एक वर्षापर्यंत बाळावर मोफत उपचार केल्या जाते, अशी माहिती तालुका आरोग्य अधिकारी डॉ. शेख रौफ यांनी दिली.