जडगाव येथे राष्ट्रीय पल्स पोलिओचे उद्घाटन व कर्मचाऱ्यांचा सत्कार

औंढा नागनाथ : तालुक्यातील पिंपळदरी प्राथमिक आरोग्य केंद्र अंतर्गत जडगाव येथे राष्ट्रीय पल्स पोलिओचे उद्घाटन जि. प. उपाध्यक्ष मनीष आखरे, जिल्हा आरोग्य अधिकारी डॉ. शिवाजी पवार, जिल्हा शल्यचिकित्सक डॉ. राजेंद्र सूर्यवंशी यांच्या हस्ते करण्यात आले.

याप्रसंगी तालुका आरोग्य अधिकारी डॉ. अविनाश गायकवाड, तालुका आरोग्य अधिकारी डॉ. नामदेव कोरडे, वैद्यकीय अधिकारी डॉ. फड, जिल्हा विस्तार व माध्यम अधिकारी प्रशांत तुपकरी, तालुका आरोग्य सहायक चक्रधर तुडमे, अध्यक्ष जिल्हा आरोग्य कर्मचारी संघटना बबन कुटे, हरिश्चंद्र गोलाईतकर, गंगाधर लोंढे, संतोष शिंदे, योगेश डहाळे यांची उपस्थिती हाेती.

कोरोना काळात जडगाव उपकेंद्रांतर्गत येणाऱ्या गावांमध्ये योग्य नियोजन व आरोग्यविषयक मार्गदर्शन केल्यामुळे कोरोनासारख्या आजाराचा एकही रुग्ण आढळला नाही. त्यामुळे जडगाव उपकेंद्र समुदाय आरोग्य अधिकारी डॉ. दामोदर बिरगड, आरोग्य कर्मचारी नंदकिशोर कोकाटे, आशा कार्यकर्त्या लक्ष्मी बगाटे, प्रतिभा घोडके व पोलीस पाटील आनंद सुरवसे यांचा सत्कार मान्यवरांच्या हस्ते करण्यात आला.

.......फाेटाे नं. ०९