उपप्रादेशिक परिवहन कार्यालयातील कर्मचाऱ्यांना हेल्मेटचे वितरण

हिंगोली : वाहतूक नियमांची माहिती असूनही अनेक नागरिक वाहतूक नियमांचे पालन करत नाहीत. परिणामी, रस्ते अपघातात अनेकांचे मृत्यू होतात. याकरिता सर्व नागरिकांनी वाहतूक नियमांचे पालन करणे आवश्यक असल्याचे प्रतिपादन जिल्हा माहिती अधिकारी अरुण सूर्यवंशी यांनी केले.

हिंगाेली उपप्रादेशिक परिवहन कार्यालयात ३२ व्या रस्ता सुरक्षा अभियानांतर्गत आयोजित कार्यक्रमात उपप्रादेशिक परिवहन अधिकारी अनंता जोशी, मोटार वाहन निरीक्षक व्ही. जी. कळंबकर, एस. एम. कंदकुर्तीकर, जगदीश माने, शैलेशकुमार कोपुल्ला, कलपांडे यांची प्रमुख उपस्थिती होती. ३२ व्या रस्ते सुरक्षा सप्ताहानिमित्त उपप्रादेशिक परिवहन विभागामार्फत वाहतूक नियमांची जनजागृती करण्यात येत आहे. या सुरक्षा सप्ताहात महाविद्यालयातील तरुणांच्या सहभागासह अपघात नियंत्रण, वाहन चालकांची वैद्यकीय तपासणी, रक्तदान शिबिर, वाहतूक नियमाचे जनजागृती करण्यात येत असल्याचे उपप्रादेशिक परिवहन अधिकारी अनंता जोशी यावेळी म्हणाले. सुरक्षा सप्ताहानिमित्त उपस्थितांना रस्ता सुरक्षेची शपथ देण्यात आली. यावेळी जिल्हा माहिती अधिकारी अरुण सूर्यवंशी आणि उपप्रादेशिक परिवहन अधिकारी अनंता जोशी यांच्या हस्ते उपप्रादेशिक परिवहन कार्यालयातील कर्मचाऱ्यांना हेल्मेटचे वितरण करण्यात आले. यावेळी उपप्रादेशिक परिवहन कार्यालयातील दीपक कोमुलवार, गजानन बंदुके, शैलेश कानेड, श्रीमती चौधरी यांच्यासह मोठ्या संख्येने नागरिकांची उपस्थिती होती. फाेटाेनं. १७