कतलीसाठी नेण्यात येणारी ७ जनावरे पकडली

आडगाव रंजे परिसरातून एका वाहनातून ७ जनावरे कतलीसाठी नेत असल्याची माहिती हट्टा पोलिसांना मिळाली. त्यावरून पोलिसांनी आडगाव रंजे परिसरात एमएच ३८ एक्स ०७५९ क्रमांकाच्या बोलेरो पीकअप्‌ वाहनाची तपासणी केली. यामध्ये १ गाय, २ कारवड, ४ गोऱ्हे अशी एकूण ७ जनावरे आढळून आली. अपुऱ्या जागेत ही जनावरे कोंबण्यात आली होती. वाहन चालकाकडे जनावरे वाहतुकीचा परवाना तसेच जनावरे खरेदी-विक्रीचे दाखलेही आढळून आले नाहीत. वाहन चालकासह इतर दोघांच्या तोंडाला मास्कही नव्हता.

यावरून पोलीस उपनिरीक्षक आकाश सरोदे यांच्या फिर्यादीवरून हट्टा पोलीस ठाण्यात चालक इम्रान इब्राहिम शेख (रा. देऊळगाव ता. सेनगाव), सारंगधर गंगाराम मुटकुळे (रा. जांभरून ज.), असीफ कुरेशी (रा. परभणी) यांच्याविरुद्ध गुन्हा नोंद केला आहे. तपास पोह गवारे करीत आहेत.