जिल्ह्यात कोरोनाचे नवे ८० रुग्ण; एकाचा मृत्यू

जिल्ह्यात १५३ जणांची रॅपिड अँटिजन चाचणी घेतली असता यात ३९ रुग्ण आढळून आले आहेत. यात हिंगोली परिसरातील ७४ पैकी १८ रुग्ण आढळले. यात जिजामातानगर २, चौंढी १, खुडज १, लाख १, शिवाजीनगर २, रिसाला बाजार २, येळी १, गणेशवाडी १, गाडीपुरा १, जि.प. वसाहत १, रामाकृष्णानगर ३, सरकळी २ यांचा समावेश आहे. कळमनुरी परिसरात ४९ पैकी १६ जण आढळले असून, यात पुसद १, तांबोळी गल्ली १, सिंदगी ४, गंगानगर हिंगोली ३, शेवाळा १, आखाडा बाळापूर ३, हदगाव १, बोल्डा २ यांचा समावेश आहे. वसमत परिसरात १५ पैकी १ रुग्ण आढळला असून, यात कारखाना रोड येथील रुग्णाचा समावेश आहे. औंढा परिसरात ५ पैकी ३ रुग्ण आढळले असून, यात जवळा बाजार २, जडगाव १ यांचा समावेश आहे. सेनगाव येथे १० पैकी चोंढी बु. येथील रुग्णाचा समावेश आहे. आरटीपीसीआर टेस्टमध्ये ४१ रुग्ण आढळले असून, यात हिंगोली परिसरातील २२ रुग्ण आहेत. यामध्ये रिसाला बाजार १, आनंदनगर १, जैन गल्ली १, भांडेगाव १, जि.प. वसाहत १, तिरुपतीनगर २, लाला लजपतरायनगर १, माळहिवरा १, सेनगाव २, शिवाजीनगर १, कोमटी गल्ली १, श्रीनगर १, तोफखाना १, रामाकृष्णानगर ४, एनटीसी १, गाडीपुरा १, आझम कॉलनी १ यांचा समावेश आहे. वसमत परिसरातील १३ रुग्णांमध्ये आंबा ४, अशोकनगर १, एचडीएफसी बँक २, शहरपेठ १, ब्राह्मणगल्ली १, मंगळवारपेठ १, रेडगाव १, सतीपांगरा १, नहाद १ यांचा समावेश आहे. कळमनुरी परिसरातील ६ रुग्णांमध्ये कळमनुरी ५, तर मालेगाव १ यांचा समावेश आहे. दरम्यान, जिल्ह्यात उपचार घेणारे ९० रुग्ण बरे झाल्याने त्यांना घरी सोडण्यात आले आहे. यात सामान्य रुग्णालय हिंगोली येथील २८, लिंबाळा येथील कोरोना केअर सेंटरमधील २६, औंढा कोरोना केअर सेंटर ९, कळमनुरी कोरोना केअर सेंटर येथील २७ रुग्णांचा समावेश आहे.

एकाचा मृत्यू ; ६१२ रुग्णांवर उपचार सुरू

जिल्ह्यात आतापर्यंत ६ हजार ७२ रुग्ण आढळून आले आहेत. यातील ५ हजार ३७८ रुग्ण बरे झाले असून, आजघडीला ६१२ रुग्णांवर उपचार सुरू आहेत. २८ मार्च रोजी आदर्श कॉलनी (हिंगोली) येथील ५६ वर्षीय पुरुष रुग्णाचा मृत्यू झाला असून, आतापर्यंत मृत्यू झालेल्या रुग्णांचा आकडा ८२ वर पोहोचला आहे. जिल्हा सामान्य रुग्णालयातील ६५ रुग्णांना ऑक्सिजन, तर १० रुग्णांना बायपॅप मशीनवर ठेवण्यात आल्याची माहिती जिल्हा रुग्णालय प्रशासनाने दिली.