३६ गर्भवती व बाळंतिणी कोरोनातून मुक्त

तालुकानिहाय आकडेवारी

कळमनुरी ११

वसमत ११

औंढा ९

सेनगाव २

हिंगोली ३

गर्भवती महिला पॉझिटिव्ह आल्यास..

गर्भवती महिला पॉझिटिव्ह आल्यास नियमित रुग्णांपेक्षा थोडी जास्त काळजी घ्यावी लागते. एक तर या महिलांची रोगप्रतिकारशक्ती कमी असते. शिवाय बाळालाही कोरोना होण्याचा धोका असतो. त्यामुळे या दोन्हींचा मेळ घालून परिस्थितीनुरूप उपचार करून या रुग्णांना विशेष पद्धतीने हाताळावे लागते. त्यात अशा महिलाही कोरोनातून बाहेर पडतात.

हिंगोली जिल्ह्यात जवळपास ५० महिला गर्भवती असताना अथवा बाळंतपणात कोरानाबाधित असल्याचे आढळून आले. अनेकींचे सीझर करून बाळ व बाळंतीण दोन्ही सुखरूप या आजारातून बाहेर पडले. या महिलांवर उपचार करताना त्यांची कमी प्रतिकारशक्ती लक्षात घेता ऑक्सिजन बेडसह सर्व प्रकारची काळजी घ्यावी लागते. हिंगोली जिल्ह्यात अशाप्रकारची काळजी घेत अनेक रुग्णांवर उपचार करण्यात आले.

डॉ. राजेंद्र सूर्यवंशी, जिल्हा शल्यचिकित्सक

बाळ व बाळंतीण सुखरूप

हिंगोली जिल्ह्यात काही नोंदी घेण्याचे काम योग्यरीत्या झाले नाही. त्यामुळे ३६ महिलांची नोंद असली तरीही ५० पेक्षा जास्त जणींना बाधा झाली होती. या सर्वच प्रकरणांत बाळ व बाळंतीण दोघांना सुखरूपरीत्या या आजारातून बाहेर काढण्यात आरोग्य विभागाला यश आले आहे. अगदी सुरुवातीच्या काळात या आजाराची भीती असतानाच एक गर्भवती महिला बाधित असल्याचे औंढा व कळमनुरी तालुक्यात आढळून आले होते. त्यानंतर जागृतीस प्रारंभ झाला. या महिलांनी विशेष खबरदारी घेणे गरजेचे असते. बाळंतिणीची रोगप्रतिकारशक्ती कमी असल्याने त्यांना कोरोनासारखा आजार लवकर जडताे. त्यामुळे काळजी घेतल्याने अनेकींनी या आजारापासून दूर राहण्यात यश मिळविले, तर ज्यांना हा आजार झाला त्यांच्यावर यशस्वी उपचार करण्यात आले.