बरेच लोक आजारी पडू नये म्हणून चांगलं-चांगलं खातात, एक्सरसाइज करतात. पण बरेच लोक त्यांच्या शरीराच्या स्वच्छतेकडे फारचं लक्ष देत नाहीत. याचे त्यांना खूप दुष्परिमाम भोगावे लागतात. लोक रोज आंघोळ करतात, केस शाम्पूने धुतात. शरीरावर साबण लावतात. पण शरीराचा असा एक भाग असतो ज्याला स्वच्छ करण्याकडे लोक दुर्लक्ष करतात.
शरीराची खूप स्वच्छता केल्यानंतरही असा भाग राहतो ज्याची पूर्णपणे स्वच्छता होत नाही. या भागामध्ये अब्जो बॅक्टेरिया राहतात आणि आपल्याला माहितही नसतं.
2012 मध्ये पीएलओएस वनमध्ये प्रकाशित एका शोधानुसार, आपल्या एकट्या नाभिमध्ये 2, 368 प्रकारचे बॅक्टेरिया असतात. यातील अनेक म्हणजे 1,458 प्रजाती वैज्ञानिकांसाठी नव्या आहेत. इथे सगळ्यात जास्त घाम येतो. नाभि स्वच्छ करणंही सोपं नसतं. कारण आत खड्डा असतो. त्यामुळे यातून दुर्गंधी येते आणि इथे बॅक्टेरिया वाढतात.
विज्ञान सांगतं की, नाभि मुळात शरीरावरील एक घाव आहे. हा घाव तेव्हा तयार होतो जेव्हा बाळ आपल्या आईपासून वेगळं होतं. नाभि सामान्यपणे आतल्या बाजूने खोल असते.
टोरांटोमध्ये डीएलके कॉस्मेटिक डर्मेटोलॉजी आणि लेजर क्लीनिकच्या त्वचा एक्सपर्टनुसार, नाभि बॅक्टेरियासाठी एक आदर्श प्रजनन स्थळ आहे. जर तुमचं वजन जास्त असेल, टाइप 2 डायबिटीस किंवा नाभिमध्ये छिद्र असेल. नाभि स्वच्छ करण्यासाठी वॉशक्लॉथचा वापर केला जाऊ शकतो.
डॉक्टरांनी सल्ला दिला आहे की, जर कधी नाभिमध्ये खाज आली, नाभि लाल झाली, वेदना होत असेल किंवा दुर्गंधी येत असेल तर वेळीच सावध व्हा. असं काही इन्फेक्शन झालं तर वेळीच डॉक्टरांचा सल्ला घ्यावा.