What happens when you die : जेव्हा कुणाचं निधन होतं तेव्हा कसं वाटतं? याबाबत क्वचितच कुणी आपलं मत देऊ शकेल. कारण या विषयावर फक्त तेच बोलू शकतात ज्यांनी मृत्यूचा अनुभव घेतला असेल. नुकतंच एक एक्सपर्टने सांगितलं की, मृत्यूआधी नेमकं काय होतं आणि कसं वाटतं? द एक्सप्रेसच्या रिपोर्टनुसार, एक डॉक्टर ज्यांनी आपल्या आयुष्यात अनेकांना मरताना पाहिलंय त्यांनी सांगितलं की, मृत्यूच्या ठीक आधी व्यक्तीच्या शरीरात काय बदल होऊ लागतात.
The Mirror च्या रिपोर्टनुसार, नैसर्गिक घटनांवर फार कमी रिसर्च उपलब्ध आहेत. मृत्यूआधी कसं वाटतं यावर बोलताना डॉक्टरांनी सांगितलं की, मृत्यूची प्रक्रिया सामान्यपणे हृदय बंद पडण्याच्या जवळपास दोन आठवड्यांपूर्वी सुरू होते.
लिव्हरपूर यूनिव्हर्सिटीजमध्ये मानद रिसर्च फेलो सीमस कोयल यांनी द कन्वर्सेशनसाठी लिहिलेल्या लेखात मृत्यूच्या प्रक्रियेबाबत सांगितलं. ते म्हणाले की, 'मला वाटतं मृत्यूची प्रक्रिया कोणत्याच्या व्यक्तीच्या मृत्यूच्या दोन आठवड्याआधी सुरू होते. यादरम्यान लोकांचं आरोग्य बिघडतं. त्यांना चालण्यात आणि झोपण्यात समस्या येऊ लागते. जीवनाच्या शेवटच्या क्षणात त्यांचं औषध घेणं, जेवण करणं किंवा काही पिण्याची क्षमताही संपते'.
सीमय कोयल म्हणाले की, 'हे तेव्हा होतं जेव्हा लोक म्हणू लागतात की, समोरची व्यक्ती मरत आहे आणि त्याच्याकडे जगण्यासाठी दोन ते तीन दिवस शिल्लक आहेत. अनेक लोकांना ही प्रक्रिया एका दिवसातही दिसू शकते आणि काही लोक प्रत्यक्षात मृत्यूच्या दोन आठवड्यापूर्वीच मृत्यूच्या उंबरठ्यावर असतात. यादरम्यान परिवाराला बराच त्रास होतो.
मृत्यूवेळी शरीरात काय होतं? याबाबत जास्त लोकांना माहीत नसतं. पण काही रिसर्चचा अंदाज आहे की, मृत्यूवेळी मेंदूतून बरेच केमिकल्स निघतात, ज्यात एंडोर्फिनचाही समावेश आहे. हे कोणत्याही व्यक्तीच्या भावना उत्तेजित करतात.
सीमस कोयल यांच्यानुसार, मृत्यूच्या क्षणांना समजणं अवघड आहे, पण आतापर्यंत झालेल्या रिसर्चनुसार, जसजसा व्यक्तीचा मृत्यू जवळ येतो, शरीरातील स्ट्रेस केमिकल्समध्ये वाढ होते. कॅन्सर रूग्ण आणि इतरही लोकांच्या शरीरावर सूज येऊ लागते. हे असे रसायन आहेत जे तेव्हा वाढतात जेव्हा शरीर एखाद्या व्हायरलसोबत लढत असतात.
सामान्यपणे असं वाटतं की, मृत्यूच्या प्रक्रियेदरम्यान लोकांना वेदना कमी होतात. पण माहीत नाही असं का होतं.. हे एंडॉर्फिनशी संबंधित असू शकतं.
पुढे ते म्हणाले की, प्रत्येक व्यक्तीचा मृत्यू वेगवेगळ्या प्रकारे होतो. त्यामुळे अंदाज लावला जाऊ शकत नाही की, शांतीपूर्ण पद्धतीने कुणाचा मृत्यू होईल. मी असे अनेक तरूण लोक पाहिले आहेत ज्यांना अंदाजही नव्हता की, त्यांचा मृत्यू होणार आहे.