बहुतेक लोकांना चक्कर येण्याची समस्या असते. कधी-कधी बराच वेळ बसून राहिल्यानंतर अचानक उठल्यानंतरही चक्कर येते. सतत चक्कर येणं ही चांगली गोष्ट नाही. शरीरात रक्ताची कमतरता, अशक्तपणा किंवा इतर कोणत्याही शारीरिक समस्यांमुळे तीव्र चक्कर येऊ शकते. यामुळे एखादी व्यक्ती उठल्याबरोबर अचानक कुठेही पडून दुखापत होऊ शकते. उन्हाळ्यात उन्हात जास्त वेळ चालल्याने शरीरात पाण्याची कमतरता निर्माण होऊनही चक्कर आल्यासारखे होते. ज्या लोकांना खूप कमी किंवा उच्च रक्तदाब, मॉर्निंग सिकनेस, मधुमेह आहे, त्यांनाही चक्कर येणे किंवा वर्टिगो (Vertigo) ची समस्या असू शकते. आपल्याला वारंवार खूप चक्कर येत असेल आणि उलट्या होत असतील तर विलंब न करता डॉक्टरांचा सल्ला घ्या. चक्कर येण्याच्या समस्येवर मात करण्यासाठी आपण (Remedies for Dizziness) कोणते उपाय करू शकतो, ते जाणून घेऊया.
पेपरमिंट तेल -काही तेलांच्या वापराने चक्कर येण्याच्या समस्येवर मात करता येते. यासाठी तुम्ही पुदिना तेलाचे दोन ते तीन थेंब आणि एक छोटा चमचा बदाम तेल घ्या. ते मिसळा आणि कपाळावर आणि मानेच्या मागील बाजूस चांगले लावा. उलट्या, चक्कर येणे, डोकेदुखी यांसारख्या समस्यांवर पेपरमिंट तेलाने मात करता येते.
तळव्यांना आल्याचे तेल लावा -आल्याच्या तेलाने चक्कर येण्याची समस्याही कमी होऊ शकते. या तेलाचे दोन ते तीन थेंब घेऊन ते मानेच्या मागील बाजूस, कानांच्या मागे आणि पायाच्या तळव्याखाली लावावे. जेव्हा तुम्हाला चक्कर येते तेव्हा या ठिकाणी हे तेल नक्कीच लावा. आल्यामध्ये मळमळ विरोधी घटक असतात. याच्या मदतीने उलटी, चक्कर येण्याचा त्रास कमी होतो. आल्याचा छोटा तुकडा चघळूनही खाऊ शकता. चक्कर येताच आल्याचा चहा प्या.
फळांचा रस (ज्युस) प्या -काही फळांचा रस प्यायल्यानेही चक्कर येण्याची समस्याही कमी होऊ शकते. तुम्ही लिंबू, अननस, गाजर, संत्री, आले इत्यादींचा रस प्या. हे सर्व रस दिवसातून एकदा प्या. लिंबाचा रस बनवण्यासाठी एक ग्लास पाण्यात एक चमचा लिंबाचा रस मिसळा. थोडे काळे मीठ, काळी मिरी पावडर टाकून प्या. दोन चमचे आल्याचा रस काढा. तो एक कप पाण्यात मिसळा. इच्छित असल्यास, चवीनुसार मध देखील थोडे घातले जाऊ शकते. हे सर्व रस काही दिवस प्यायल्याने चक्कर येण्याची समस्या दूर होईल. गाजर, अननस, संत्री शरीराला ऊर्जा देतात. चक्कर येण्याची लक्षणे कमी होतात. लिंबामध्ये असे घटक असतात जे मळमळण्याची समस्या कमी करतात, ज्यामुळे उलट्या होत नाहीत.
निरोगी आहार घ्या -सकस आहार घ्या. तुम्ही जे काही खात आहात, त्यात पोषक तत्वे भरपूर असली पाहिजेत, ज्यामुळे शरीरात लोह, रक्त, हिमोग्लोबिन इत्यादींची कमतरता भासू नये. सकस आहाराने शरीर आणि मन व्यवस्थित कार्य करते. शरीरातील पाण्याचे प्रमाण पुरेसे ठेवा. यासाठी भरपूर पाणी प्या. यामुळे शरीरातील सर्व द्रवपदार्थांचा प्रवाह सुरळीतपणे चालू राहील, त्यामुळे कोणत्याही प्रकारचा अडथळा येणार नाही. ब्लॉकेजमुळेही चक्कर येते. हिरव्या पालेभाज्या, व्हिटॅमिन बी 3, नियासिन, पोटॅशियम, संपूर्ण धान्यापासून बनवलेले पदार्थ, भाज्यांचे रस इत्यादी खा.