स्वाइन फ्लूच्या बळींचे सत्र सुरूच

द�

��वसभरात २ जणांचा मृत्यू : १२ जण व्हेंटिलेटवर
पुणे : शहरात स्वाइन फ्लूच्या बळींचे सुरू झालेले सत्र अजूनही सुरू असून आज दिवसभरात दोन जणांचा या आजाराने बळी घेतला. यामुळे अवघ्या दीड महिन्यातील बळींची संख्या १७ वर पोहोचली आहे. दरम्यान, लागण झालेल्या १२ जणांची प्रकृती चिंताजनक असून त्यांना व्हेंटिलेटवर ठेवण्यात आले आहे.
बळी गेलेल्यांपैकी एक व्यक्ती हे सोलापूरमधील रहिवासी होते. तर दुसरे सिंहगड रस्त्यावरील रहिवासी होते. या दोघांवर खासगी रुग्णालयात उपचार सुरू होते. घशातील कफाच्या तपासणी अहवालात त्यांना स्वाइन फ्लू झाल्याचे निष्पन्न झाले होते. या दोघांनी उपचारास स्वत: उशीर केल्याची नोंद महापालिकेने आपल्या अहवालात केली आहे.
दरम्यान, लागण झालेले तब्बल ५० रुग्ण विविध रुग्णालयांमध्ये दाखल आहेत. त्यापैकी १२ जणांची प्रकृती अत्यव्यस्थ असून त्यांना कृत्रिम श्वासोश्वासावर ठेवण्यात आले आहे. आज दिवसभरात ३९१ जणांची तपासणी करण्यात आली. त्यापैकी १७१ जणांना टॅमीफ्लू औषधे देण्यात आली आहेत आणि २३ जणांच्या घशातील कफाचे नमुने तपासणीसाठी प्रयोगशाळेत पाठविण्यात आले आहेत.
--------
दिवसभरात स्वाइन फ्लूचे २७ रुग्ण सापडले
शहरात आज दिवसभरात स्वाइन फ्लूचे तब्बल २७ रुग्ण सापडल्याने खळबळ उडाली आहे. गेल्या अनेक महिन्यांमध्ये पहिल्यांदाच एका दिवसात एवढे रुग्ण सापडले आहेत. यामुळे या वर्षातील स्वाइन फ्लूच्या रुग्झाांची संख्या १३५ वर पोहोचली आहे.
-----
उपचारास उशीर केल्यानेच मृत्यू
आज मृत्यू झालेल्या दोन्ही व्यक्तींनी स्वत:हून उपचारास उशीर केल्याचे दिसून आले आहे. स्वाइन फ्लूची लक्षणे दिसत असतानाही उपचारासाठी न गेल्याने तो बळावला आणि त्याने दोघांचा बळी घेतल्याचे पुणे महापालिकेने नोंदविले आहे.