सायनस हा नाकाशी संबंधीत एक आजार आहे. हिवाळ्यात वातावरणातील गारवा वाढतो त्यामुळे ही समस्या वाढत जाते. या आजाराला सायनोसायटीस असंही म्हणतात. सायनसची समस्या बॅक्टेरिया, फंगल इन्फेक्शन, एलर्जी, नाकातील हाड वाढणं, अस्थमा यांमुळे उद्भवू शकते. वातावरणातील बदल किंवा वाढतं प्रदुषण यांमुळे अनेक लोकांना सायनसची समस्या उद्भवते. आज आम्ही सायनसच्या समस्येला दूर ठेवण्यासाठी फायदेशीर ठरत असलेले काही घरगुती उपाय सांगणार आहोत.
१) सायनसच्या समस्येपासून सुटका मिळवण्यासाठी पाण्यात जीरं आणि काळी मिरी घाला. १ चमचा जीरं आणि ४ चमचे काळ्या मिरीसाठी १ चमचा मधाची आवश्यकता असते. सगळ्यात आधी काळी मिरी आणि जीरं गरम करून तव्यावर मध्यम आचेवर शेकून घ्या. त्यानंतर हे दोन्ही दळून घ्या. या मिश्रणात मध घाला आणि दिवसातून दोनवेळा या चाटणाचे सेवन करा. रिकाम्यापोटी या मिश्रणाचे सेवन करून गरम पाण्याचे सेवन करा.
२) सायनसपासून आराम मिळवण्यासाठी मेथी आणि दालचीनी खूप फायदेशीर ठरते. ही पेस्ट तयार करण्यासाठी चमचे मेथीचे दाणे आणि ४ ते ५ चमचे काळी मिरी घाला. १ इंच दालचीनीचा टुकडा आणि १ चमचा मध घालून तुम्ही याचे सेवन करू शकता.
३) सायनसपासून सुटका करून घेण्यासाठी गरम पाण्याची वाफ घ्या. त्यामुळे नाकात आणि गळ्यामध्ये जमलेली धूळ आणि मातीचे कण साफ होऊन जातात. यामुळे सायनसच्या समस्येपासून सुटका होते. गरम पाण्याची वाफ घेताना त्यामध्ये निलगिरीच्या तेलाचे काही थेंब टाकणं फायदेशीर ठरतं.
आनंदाची बातमी! भारतीय शास्त्रज्ञांनी शोधले कोरोनाचे उपचार, नव्या पद्धतीने संसर्ग रोखता येणार
४) सायनसचा त्रास होत असेल तर नेहमी थोड्याशा शिजवलेल्या भाज्यांचं सूप , सफरचंद, डाळी आणि भाज्यांचं सेवन करा. याव्यतिरिक्त कफ तयार होण्यास मदत करणारे पदार्थ म्हणजे, चॉकलेट, अंडी, साखर आणि मैदा यांसारख्या पदार्थांचं सेवन करणं टाळा. तसेच जास्त तेलकट पदार्थांचं सेवन केल्यामुळेही सायनसचा त्रास होऊ शकतो. यावर भरपूर प्रमाणात पाणी पिणं फायदेशीर ठरतं.
कोरोनापासून बचावासाठी 'हा' नवा नियम पाळावाच लागणार; WHO च्या तज्ज्ञांची माहिती
५) सायनसवर कांदा आणि लसणाचं सेवन करणं फायदेशीर ठरतं. कांद्यामध्ये मोठ्या प्रमाणात सल्फर असतं. जे सर्दी , खोकला आणि सायनसच्या इन्फेक्शनवर गुणकारी ठरतं. तसेच कांद्याचा दर्प सायनसवर लाभदायक ठरतो. त्यासाठी कांदा आणि लसून पाण्यामध्ये उकळून त्या पाण्याची वाफ घ्या. असं केल्यामुळे तुम्हाला सायनसच्या त्रासापासून आराम मिळेल.
(टिप : वरील सर्व समस्या आम्ही केवळ माहिती म्हणून वाचकांपर्यंत पोहोचवत आहोत. यातून आम्ही कोणताही दावा करत नाही. प्रत्येकाची शारीरिक क्षमता वेगवेगळी असते. त्यामुळे कोणताही उपाय करण्याआधी तज्ज्ञांचा सल्ला घेणं फायदेशीर ठरतं.)