Side effects eating raw garlic : लसणाचे आरोग्याला होणारे फायदे सगळ्यांनाच माहीत आहेत. लसणाचा वेगवेगळ्या आजारांवर औषध म्हणून वापर केला जातो. रोज लसणाची एक कच्ची कळी खाण्याचा सल्ला डॉक्टरही देतात. जास्तीत जास्त लोकांना याचे फायदे माहीत असतात. पण अनेकांना जास्त लसूण खाण्याचे नुकसान माहीत नसतात. तेच आज आम्ही तुम्हाला सांगणार आहोत.
अनेक समस्या होतात
तोंडात फोडं आलेल्यांसाठी लसूण अनेकदा फायद्याचा ठरतो. पण लसणामुळे तोंडाची दुर्गंधी, पोट किंवा छातीत जळजळ होणे, मळमळ वाटणे, उलटी होणे, शरीराची दुर्गंधी येणे अशाही समस्या होऊ शकतात. अशात कच्ची लसणाची पाकळी खाणे अधिक त्रासदायक ठरु शकते. त्यासोबतच ऑपरेशननंतर लसणाचं सेवन करणं अनेक अॅलर्जीचं कारण ठरु शकतो.
त्वचेचं नुकसान
काही लोक हे चेहऱ्यावर लसणाची पेस्ट लावतात. पण हे काहींसाठी नुकसानकारक ठरु शकतं. काहींसाठी असं हे चांगलं असलं तरी काहींना यामुळे चेहऱ्यावर जळजळ होण्याचा त्रास होऊ शकतो.
सर्जरी झालेल्यांसाठी घातक
लसणामुळे रक्ताचा संचार अधिक वेगाने होतो. त्यामुले सर्जरीच्या कमीत कमी दोन आठवड्यांपूर्वी लसणाचं सेवन करु नये. याने सर्जरीमध्ये अनेक अडचणी येण्याची शक्यता असते.
ब्लीडिंग डिसऑर्डर
ताजा लसूण तुमची ब्लीडिंगची समस्या वाडवू शकतो. त्यामुळे ब्लीडिंग डिसऑर्डरच्या समस्येपासून दूर राहण्यासाठी लसणाचं सेवन योग्य प्रमाणातच करायला हवं.
हृदयासाठी घातक
अनेक संशोधनानुसार, लसूण खाल्लाने रक्तातील कोलेस्ट्रॉल स्तरात कमतरता आढळली आहे. असेही आढळले आहे की, लसणाच्या अधिक सेवनामुळे हृदय विकाराचा धक्काही आला आहे.
पोट आणि पचनक्रियेत समस्या
कशातही मिश्रीत न करता तसाच कच्चा खाल्लेल्या लसणामुळे पोटात दुखणे, भूक कमी लागणे, गॅस, उलटी होणे, पोटात-छातीत जळजळ होणे, डायरिया अशाप्रकारच्या समस्या होऊ शकतात.