Benefits of Oiling or massaging your body : निरोगी राहण्यासाठी आपल्या शरीरावर तेल लावणं किंवा मालिश करणं एक पारंपारिक उपाय मानला जातो. पोषणासोबतच तेल लावण्याचे इतरही अनेक फायदे मिळतात. अशात आज आम्ही सांगणार आहोत की, नाभिमध्ये तेल टाकल्याने शरीराला काय फायदे मिळतात.
1) जास्तीत जास्त लोक शरीराच्या वेगवेगळ्या अवयवांची खूप काळजी घेतात. पण नाभिच्या स्वच्छतेवर फारचं लक्ष दिलं जात नाही. अनेक शोधांमधून हे समोर आलं आहे की, नाभिमध्ये हजारो घातक बॅक्टेरिया असतात. ज्यामुळे तुमचं आरोग्य बिघडू शकतं. नाभिमध्ये तेल टाकलं तर कीटाणू आणि घाणीपासून सुटका मिळते. तसेच पोट आणि नाभिचा वेगवेगळ्या समस्यांपासून बचावही होतो.
2) जर तुम्हाला चमकदार चेहरा आणि चांगली त्वचा हवी असेल तर नाभिची मालिश करा आणि त्यावर नियमितपणे तेल लावा. नाभिवर तेल लावल्याने तुमचं रक्त शुद्ध होतं, तसेच शरीरातील विषारी पदार्थही दूर होतात.
3) कडूलिंबाचं तेल, गुलाबाचं तेल, खोबऱ्याचं तेल किंवा लिंबू मिक्स करून नाभिवर लावू शकता. याचे शरीराला अनेक फायदे मिळतात.
4) मोहरीच्या तेलाने वेगवेगळे फायदे होतात. मोहरीच्या तेलाचा वापर करून तुम्ही बॅक्टेरिया दूर करू शकता. हे तेल इतकं फायदेशीर असतं की, या तेलाने पुन्हा बॅक्टेरियाही येत नाही.
5) जर तुम्हाला पोटाच्या वेगवेगळ्या समस्या, पोट फुगणे किंवा मळमळ होणे अशा समस्या असेल तर नाभिमध्ये मोहरीचं तेल आणि आल्याचं मिश्रण लावल्याने या समस्या दूर होऊ शकतात.
2012 मध्ये पीएलओएस वनमध्ये प्रकाशित एका शोधानुसार, आपल्या एकट्या नाभिमध्ये 2, 368 प्रकारचे बॅक्टेरिया असतात. यातील अनेक म्हणजे 1,458 प्रजाती वैज्ञानिकांसाठी नव्या आहेत. इथे सगळ्यात जास्त घाम येतो. नाभि स्वच्छ करणंही सोपं नसतं. कारण आत खड्डा असतो. त्यामुळे यातून दुर्गंधी येते आणि इथे बॅक्टेरिया वाढतात.
डॉक्टरांनी सल्ला दिला आहे की, जर कधी नाभिमध्ये खाज आली, नाभि लाल झाली, वेदना होत असेल किंवा दुर्गंधी येत असेल तर वेळीच सावध व्हा. असं काही इन्फेक्शन झालं तर वेळीच डॉक्टरांचा सल्ला घ्यावा.