तोंडात होणारा 'हा' गंभीर आजार सहजासहजी नाही होत बरा! मात्र हे घरगुती उपाय ठरतील रामबाण

आपल्या स्वयंपाकघरात सहजपणे उपलब्ध होणाऱ्या वस्तूंचा वापर करून या समस्येपासून आपण सुटका मिळवू शकतो.

आरोग्याशी निगडीत अनेक अशा समस्या आहेत ज्यावर घरच्याघरी साधारण उपचार करून आराम मिळवता येतो. यात तोंड येणं (Mouth Ulcer) ही सर्वसामान्यपणे केली जाणारी तक्रार असते. व्हिटॅमिन्सची कमतरता (Lack Of Vitamins), डिहायड्रेशन (Dehydration) आणि काही विशिष्ट अन्नपदार्थांतून होणारी अ‍ॅलर्जी यामुळे तोंड येणं ही समस्या उदभवते. पण आपल्या स्वयंपाकघरात सहजपणे उपलब्ध होणाऱ्या वस्तूंचा वापर करून या समस्येपासून आपण सुटका मिळवू शकतो. ‘लाइव्ह हिंदुस्थान हिंदी’नं या संदर्भात वृत्त दिलंय.

बहुतांशी कुटुंबातील एखाद्या तरी सदस्याला माऊथ अल्सरचा त्रास सतत होत राहतो. तोंड आल्यानं अनेकांना खाण्या-पिण्यासह बोलणंही अवघड होऊन बसतं. प्रत्येक व्यक्तीत ही समस्या भिन्न कारणानं निर्माण होऊ शकते. तोंड आल्यानंतर यापासून आराम मिळावा म्हणून बाजारात अनेक प्रकारची जेल (Gel) मिळतात. पण यावर खर्च करण्यापेक्षा घरगुती उपचार करणं कधीही चांगलं ठरतं.

अ‍ॅपल सीडर व्हिनेगरतोंड आल्यानंतर अ‍ॅपल सीडर व्हिनेगर (Apple Cider Vinegar ) फार उपयोगी ठरतं. अल्सरसाठी कारणीभूत ठरणाऱ्या तोंडातील जंतूंशी लढण्यास यामुळे मदत मिळते. एका छोट्या कपात कोमट पाणी घेऊन त्यात एक चमचा व्हिनेगरला चांगल्या तऱ्हेने मिसळावे. त्यानंतर या मिश्रणाने गुळण्या कराव्यात. त्या पूर्ण झाल्यानंतर स्वच्छ पाण्याने तोंड धुवावं. सकाळ-सायंकाळ ही क्रिया केल्यानंतर अल्सर लवकर बरा होतो.

मधमधामध्ये (Honey) अनेक औषधी गुण आहेत. जखमा भरण्यासाठी मधाचा चांगला उपयोग होतो. तोंड आल्यानंतर मध लावावा. दर दोन तासांनी मध लावत राहिल्यास त्यांचे चांगले परिणाम पाहायला मिळतील.

नारळाचं दूधअल्सरमुळे तोंडाची फार जळजळ होत असते. या समस्येमुळे काही खाता-पिता येत नाही. यापासून आराम मिळवण्यासाठी नारळाचं दूध (Coconut Milk) एक उत्तम पर्याय आहे. यासाठी दिवसातून दोन ते तीन वेळा नारळाच्या दुधाने गुळण्या करायला हव्यात. यामुळे तोंडातील जळजळ कमी होण्यास मदत मिळते. तर नारळाच्या दुधापासून गुळण्या केल्यानंही फायदा होऊ शकतो.

हळदकुठल्याही प्रकारची जखमी झाली की त्यावर हळद (Turmeric) लावल्यास ती जखमी भरून काढण्यास चांगली मदत करते. हळदीमध्ये अनेक औषधी गुण आहेत. तोंड आल्यानंतरही हळदीचा उपयोग होतो. यासाठी हळद आणि पाणी घेऊन हळदीची घट्ट पेस्ट बनवावी. तोंड आलेलं असल्यास दिवसातून तीन वेळा ती पेस्ट लावावी. यामुळे नक्की आराम मिळू शकतो.

दरम्यान, शरीरात लोह (Iron), व्हिटॅमिन बी (Vitamin B) ची कमतरता असेल तर सतत तोंड येतं. तसंच अति प्रमाणात तिखट, तेलकट व मसाल्याच्या पदार्थांचं सेवन केलं जात असल्यास ही समस्या उदभवू शकते. वरील घरगुती उपाय करून तोंड येण्याच्या समस्येपासून सुटका करता येते. पण पौष्टिक आहार घेऊन तोंड येण्याची समस्याच उदभवणारच नाही यासाठी प्रयत्न करणंही तितकचं महत्त्वाचं आहे.