देशात कोरोना रुग्णांची संख्या वाढत आहे. मृतांचा आकडाही भयावह आहे. सरकारांकडून आवश्यक पावलं उचलली जात आहेत. लोकांना आवश्यक खबरदारी घेण्यास सांगितलं जात आहे. सर्व वयोगटातील लोकांना कोरोना व्हायरसचा धोका आहे, परंतु काही प्रकरणांमध्ये कोरोना अधिक धोकादायक असू शकतो. अशा लोकांनी विशेष खबरदारी घ्यावी. कोरोना संसर्ग टाळण्यासाठी कोणाला अधिक सावधगिरी बाळगण्याची आवश्यकता आहे ते जाणून घेऊया...
कोरोना व्हायरसची लक्षणं
खोकला, ताप आणि श्वास घेण्यास त्रास होणं ही कोरोनाची सामान्य लक्षणं आहेत. याचा फुफ्फुसांवर परिणाम होतो. छातीत जडपणा येऊ शकतो. कोरोनाच्या व्हेरिएंटनुसार, त्याची लक्षणं देखील बदलू शकतात. बर्याच प्रकरणांमध्ये लोकांना कोणत्याही प्रकारची चव समजत नाही आणि त्यांना कोणताही वास येत नाही. यातून बरे होण्यासाठी वेळ लागू शकतो. एक सामान्य संक्रमित व्यक्ती दोन आठवड्यात किंवा त्याआधी बरी होते. अनेक प्रकरणांमध्ये त्याचा दीर्घकालीन परिणाम देखील दिसून येतो.
कोरोनामुळे भीषण परिस्थिती?; जपानी बाबा वेंगा यांची 'भयावह' भविष्यवाणी, सांगितली 'ती' वेळ
कोणाला जास्त धोका?
श्वसनाचा त्रास असलेले रुग्ण
जर तुम्हाला आधीच दमा, फुफ्फुसात फायब्रोसिस इत्यादी श्वसनाच्या आजारांनी ग्रासले असेल, तर विशेष खबरदारी घेणे आवश्यक आहे. कोरोना श्वसनसंस्थेवर देखील परिणाम करतो. अशा परिस्थितीत संसर्ग होणं अधिक धोकादायक ठरू शकतं.
मधुमेह आणि उच्च रक्तदाब
मधुमेह आणि उच्च रक्तदाब हे दोन्ही आजार सामान्य आहेत. परंतु या आजारांनी ग्रस्त असलेल्या रुग्णांसाठी कोरोनाचा संसर्ग धोकादायक ठरू शकतो.
एकापेक्षा जास्त आजार
जेव्हा एखादी व्यक्ती एकाच वेळी एकापेक्षा जास्त आजारांनी ग्रस्त असते तेव्हा गंभीर परिस्थिती उद्भवते. अशा परिस्थितीत, कोरोना संसर्ग प्राणघातक ठरू शकतो. यापूर्वी कोरोना लाटेदरम्यान अशा रुग्णांमध्ये धोका जास्त दिसून आला होता.
"कोरोनासोबत जगण्याची सवय लावा, २१-२८ दिवस...”; नव्या व्हेरिएंटबद्दल काय म्हणाले तज्ज्ञ?
मुलं आणि गर्भवती महिला
आरोग्य तज्ज्ञ लहान मुलं आणि गर्भवती महिलांना कोरोना संसर्ग टाळण्यासाठी विशेष खबरदारी घेण्याचा सल्ला देतात.
गंभीर आजाराचे रुग्ण
कॅन्सर, किडनी डायलिसिस, ट्रान्सप्लांट इत्यादी गंभीर आरोग्य समस्यांनी ग्रस्त असलेल्या रुग्णांनी कोरोना संसर्ग टाळण्यासाठी काळजी घ्यावी. कमकुवत रोग प्रतिकारशक्तीमुळे संसर्ग होण्याचा धोका वाढतो.
अशी घ्या काळजी
- गर्दीच्या ठिकाणी जाणं टाळा, अशा ठिकाणी संसर्गाचा धोका जास्त असू शकतो.
- जर तुम्ही घराबाहेर पडत असाल तर मास्क नक्कीच लावा.
- नियमितपणे हात धुण्याची सवय लावा, स्वच्छता ठेवा.