कुपोषणमुक्तीसाठी मार्चपर्यंत सुरू राहील ‘व्हीसीडीसी’

राज्यभरात कुपोषणाच्या अतितीव्र श्रेणीला रोखण्यासाठी बालकांना सामान्य श्रेणीत आणण्याच्या उद्देशाने राज्य शासनाद्वारे सुरू करण्यात...

३१९ बालके कुपोषित : मुख्य सचिवांच्या अध्यक्षतेखालील बैठकीत निर्णयदेवानंद शहारे गोंदियाराज्यभरात कुपोषणाच्या अतितीव्र श्रेणीला रोखण्यासाठी बालकांना सामान्य श्रेणीत आणण्याच्या उद्देशाने राज्य शासनाद्वारे सुरू करण्यात आलेल्या ग्राम बालविकास केंद्रांना (व्हीसीडीसी) मार्च २०१६ पर्यंत सुरू ठेवण्याचा निर्णय राज्याचे मुख्य सचिव यांच्या अध्यक्षतेखाली झालेल्या बैठकीत घेण्यात आला. उल्लेखनिय म्हणजे सॅम श्रेणीच्या बालकांचा उपचार व व्यवस्थापनासाठी अंगणवाडी स्तरावर ग्राम बालविकास केंद्र सुरू करण्यात आले होते. केंद्रांमध्ये सॅम श्रेणीच्या बालकांना अतिरिक्त आहार दिला जात होता. राज्याच्या सर्व जिल्ह्यांमध्ये ही योजना राष्ट्रीय आरोग्य अभियान अंतर्गत उपलब्ध निधीतून सुरू करण्यात आली होती. सन २०१५-१६ मध्ये केंद्र सरकारद्वारे मंजूर पीआयपी अनुसार राष्ट्रीय अभियानांतर्गत निधी मंजूर झाला नाही व याच विषयाला घेवून सदर बैठक ठेवण्यात आली होती. बैठकीतील चर्चेनुसार सन २०१५-१६ मध्ये ग्राम बालविकास केंद्र सुरू ठेवण्यासाठी विविध स्त्रोतांतून निधी उपलब्ध करण्याच्या सूचना देण्यात आल्या. त्यानुसार जिल्हास्तरावर जिल्हा नियोजन अधिकारी यांना ग्राम बालविकास केंद्रांसाठी डीपीडीसीमधून निधी उपलब्ध करण्याच्या संदर्भात सूचना देण्यात आल्या. आदिवासी जिल्ह्यांत टीएसपी-ओटीएसपी यातून प्रकल्प अधिकाऱ्यांच्या माध्यमातून निधी उपलब्ध करवून देणे तसेच केंद्र मार्च २०१६ पर्यंत सुरू ठेवण्याच्या संदर्भात आदेश देण्यात आले आहे. २३६ बालके तीव्र कुपोषितकुपोषण निर्मूलन कार्यक्रमांतर्गत शून्य ते सहा वर्षाच्या वयाच्या एक लाख एक हजार ३३४ बालकांपैकी ९१ हजार ४५४ बालके आॅक्टोबर महिन्यात सामान्य आढळले. तर कुपोषणाच्या मध्यम अतितीव्र श्रेणीत (मॅम) २३६ व अतितीव्र कमी वजन श्रेणीत (सॅम) ८३ बालके आढळले. याचप्रकारे वय व वजन यानुसार पाच हजार ९५२ बालके कमी वजन श्रेणीत (एमयूडब्ल्यू) तसेच तीव्र कमी वजन श्रेणीत (एसयूडब्ल्यू) एक हजार १६० बालके आढळले आहेत.अर्जुनी-मोर व आमगावात सर्वाधिक कुपोषितकुपोषणाच्या बाबतीत जिल्ह्यातील अर्जुनी-मोरगाव व आमगाव तालुके सर्वाधिक पुढे आहेत. अर्जुनी-मोरगाव तालुक्यात सर्वाधिक मॅम श्रेणीचे ६१ व सॅम श्रेणीचे १२ बालके आढळले. आमगाव तालुक्यात मॅम श्रेणीचे ३५ व सॅम श्रेणीचे १९ बालके आढळले. या बालकांमध्ये कमी वजनासह उंचीसुद्धा खूप कमी असल्याचे आढळले. तिरोडा तालुक्यामध्ये दोन्ही श्रेणींमध्ये सर्वात कमी १४ बालके कुपोषित आढळले. अशाचप्रकारे वय व वजनाच्या दृष्टीने अर्जुनी-मोरगाव तालुक्यात एमयूडब्ल्यू श्रेणीचे ८६७ व एसयूडब्ल्यू श्रेणीमध्ये क्रमश: ८८२ व २०८ बालकांचा समावेश आहे.