स्क्रब टायफसचा १९ वा रूग्ण आढळला

सद्यस्थितीत सगळीकडे स्क्रब टायफस या आजाराने पाय पसरले आहे. गोंदिया जिल्ह्यातील आमगाव तालुका वगळता जिल्ह्यात सर्वच तालुक्यांत स्क्रब टायफसचे रूग्ण आढळले आहेत. या रूग्णांची संख्या आता १९ झाली आहे.

ठळक मुद्देमृतांची संख्या तीन : मृत महिलेच्या बहिणीलाही स्वाईन फ्लू

लोकमत न्यूज नेटवर्कगोंदिया : सद्यस्थितीत सगळीकडे स्क्रब टायफस या आजाराने पाय पसरले आहे. गोंदिया जिल्ह्यातील आमगाव तालुका वगळता जिल्ह्यात सर्वच तालुक्यांत स्क्रब टायफसचे रूग्ण आढळले आहेत. या रूग्णांची संख्या आता १९ झाली आहे. सडक-अर्जुनी तालुक्यातील ग्राम लेनीटोला-शेंडा येथील सायत्रा श्यामभाऊ मरस्कोल्हे (६३) असे रूग्ण महिलेचे नाव आहे.जिल्ह्यातील गोंदिया, गोरेगाव, तिरोडा, सडक-अर्जुनी, अर्जुनी-मोरगाव, देवरी व सालेकसा तालुक्यात स्क्रब टायफसने पाय पसरले आहे. फक्त आमगाव तालुक्यातच या आजारचे रूग्ण आढळले नाही. ज्या गावात हे रूग्ण आढळले त्या गावात साथरोग अधिकारी डॉ.बी.आर.पटले व जिल्हा हिवताप अधिकारी डॉ. वेदप्रकाश चौरागडे भेट देऊन प्रतिबंधात्मक उपाय योजना कशा कराव्यात यासंदर्भात मार्गदर्शन करीत आहेत.गोंदिया जिल्ह्यात स्क्रब टायफसच्या रूग्णांची संख्या दिवसेंदिवस वाढतच आहे. खासगी रूग्णालयात उपचार घेणाऱ्या रूग्णांची संख्या खासगी डॉक्टर शासकीय आरोग्य यंत्रणेला देत नाही किंवा शासकीय यंत्रणा त्या खासगी डॉक्टरांकडील रूग्णांची माहिती बरोबर संकलीत करीत नाही. तरिही आतापर्यंत स्क्रब टायफसने तिघांचा मृत्यू झाला असून १६ जण आजारी आहेत. आरोग्य विभागाने पाहिजे त्या प्रमाणात उपाययोजना केल्या नाहीत. स्क्रब टायफस व स्वाईन फ्ल्यूमुळे जिल्ह्यात दहशत पसरली आहे. या आजारांच्या उपाययोजनेसाठी मोठ्या प्रमाणात जनजागृती करणे आवश्यक आहे.स्क्रब टायफसच्या मृतांची संख्या तीनसडक-अर्जुनी तालुक्यातील ग्राम थाडेझरी (कोसमतोंडी) येथील पोलीस पाटील महिला सीमा यशवंत धुर्वे (३४) यांचा स्क्रब टायफसने मृत्यू झाला. त्यानंतर अर्जुनी-मोरगाव तालुक्यातील ग्राम केशोरी येथील सुप्रिया देवसाद वट्टी यांचा मृत्यू झाला. तर दन दिवसांपूर्वी शहरातील हनुमान नगरातील राजेंद्र डोमाजी खंगार (६६) यांचाही स्क्र ब टायफसने मृत्यू झाला.स्वाईन फ्लूचा आणखी एक रूग्णस्क्रब टायफसनंतर आता जिल्ह्यात स्वाईन फ्लूची दहशत पसरत आहे. जिल्ह्यात तिघांना स्वाईन फ्लूची लागण झाली असून एकाचा मृत्यू झाला आहे. आमगाव तालुक्यात स्क्रब टायफस नसले तरी स्वाईन फ्ल्यूने पहिला बळी घेतला आहे. शालीनी निलमचंद्र नंदनवार (४२,रा.ठाणा) असे स्वाईन फ्लूने मरण पावलेल्या महिलेचे नाव आहे. त्यांची बहीण मोनिका मनिराम बारापात्रे (२७) यांनाही स्वाईन फ्लू असल्याचे स्पष्ट झाले असून त्यांच्यावर नागपूरच्या वैद्यकीय महाविद्यालयात उपचार सुरू आहे.‘त्या’ कुटुंबातील १३ लोकांची तपासणीस्वाईन फ्लूमुळे मरण पावलेल्या शालीनी निलमचंद्र नंदनवार (४२) यांच्या माहेरच्या व सासरच्या लोकांची स्वाईन फ्लू तपासणी करण्यात आली. त्या स्वत:च्या घरी असल्यामुळे त्यांच्या पतीकडील ३ व माहेरच्या १० लोकांची चाचणी करण्यात आली. परंतु मोनिका वगळता इतर सर्व निगेटीव्ह असल्याचे आरोग्य यंत्रणेच्या लक्षात आले.सात संशयितांना ‘टेमीफ्लू’शालीनी नंदनवार यांचा स्वाईन फ्लूने मृत्यू झाल्यामुळे जे लोक सहा फुटाच्या आत त्यांच्या सहवासात आले त्या १३ लोकांची तपासणी करण्यात आली. परंतु या १३ पैकी सात लोकांना स्वाईन फ्लू होण्याची दाट शक्यता असल्याचा संशय घेत आरोग्य विभागाने सात लोकांना टेमीफ्लू च्या गोळ्या दिल्या आहेत.