देवानंद शहारे- गोंदिया गोंदिया रेल्वे स्थानक दक्षिण-पूर्व-मध्य रेल्वेचे महत्त्वपूर्ण जंक्शन आहे. येथूच चारही दिशांना रेल्वेगाड्या धावतात. उन्हाळा, लग्नसराईचे दिवस व प्रवाशांची रेल्वे प्रवासाला पसंती यामुळे मार्च व एप्रिल या दोन महिन्यात गोंदिया रेल्वे स्थानकातून एकूण ११ लाख ६९ हजार नऊ प्रवाशांनी प्रवास केला. त्याद्वारे या दोन महिन्यात गोंदिया रेल्वेला एकूण पाच कोटी ६७ लाख २२ हजार ९0३ रूपयांचे रूपयांचे उत्पन्न मिळाले. गोंदिया रेल्वे स्थानकावर चार दिशेने येणार्‍या प्रवाशांची नेहमीच वर्दळ असते. मार्च महिन्यात येथील तिकीट खिडक्यांवरून (बुकींग) एकूण पाच लाख ४६ हजार ३२६ प्रवाशांनी तिकिटे खरेदी केल्या. त्याद्वारे गोंदिया रेल्वेला एक कोटी ७७ लाख ७९ हजार ५७३ रूपयांचे उत्पन्न मिळाले. तर याच महिन्यात २६ हजार ९२२ प्रवाशांनी तिकिटे आरक्षित करून आरक्षण बोगींमधून प्रवास केला. या आरक्षित तिकिटांद्वारे गोंदिया रेल्वेला ९७ लाख ३४ हजार ८९0 रूपयांचे उत्पन्न मिळाले. अशाप्रकारे मार्च महिन्यात एकूण पाच लाख ७३ हजार २४८ प्रवाशांच्या बुकिंग व रिझर्वेशन तिकिटांद्वारे गोंदिया रेल्वेला एकूण दोन कोटी ७५ लाख १४ हजार ४६३ रूपयांचे उत्पन्न मिळाले. एप्रिल महिन्यात तिकीट खिडक्यांवरून पाच लाख ६९ हजार ७५0 प्रवाशांनी तिकिटे खरेदी करून प्रवास केला. त्याद्वारे गोंदिया रेल्वेला एक कोटी ९५ लाख ६९ हजार ७५0 रूपयांचे उत्पन्न मिळाले. तर २६ हजार 0११ प्रवाशांनी तिकिटे आरक्षित करून आरक्षण बोगींतून प्रवास केला. त्याद्वारे गोंदिया रेल्वेला ९६ लाख ३८ हजार ६९0 रूपयांचे उत्पन्न मिळाले. एप्रिल महिन्यात बुकिंग व आरक्षित तिकिटांद्वारे गोंदिया रेल्वे स्थानकातून एकूण पाच लाख ९५ हजार ७६१ प्रवाशांनी प्रवास केला. त्याद्वारे गोंदिया रेल्वेला एकूण दोन कोटी ९२ लाख आठ हजार ४४0 रूपयांचे उत्पन्न मिळाले. मार्च व एप्रिल महिन्यात तिकीट खिडक्यांवरून एकूण ११ लाख १६ हजार 0७६ प्रवाशांनी तिकिटे खरेदी केल्या. या दोन्ही महिन्यांच्या बुकिंगद्वारे गोंदिया रेल्वेला एकूण तीन कोटी ७३ लाख ४९ हजार ३२३ रूपये उत्पन्न होते. तसेच मार्चपेक्षा एप्रिल महिन्यात २३ हजार ४२४ अधिकच्या तिकीट बुकींगच्या प्रवाशांची वाढ झाली. त्या वाढीव प्रवाशांमुळे गोंदिया रेल्वेला मार्चच्या तुलनेत एप्रिलमध्ये १७ लाख ९0 हजार १७७ रूपयांचे अधिकचे उत्पन्न मिळाले. मार्च व एप्रिल या दोन्ही महिन्यात आरक्षित तिकिटांद्वारे एकूण ५२ हजार ९३३ प्रवाशांनी प्रवास केला. त्याद्वारे गोंदिया रेल्वेला एक कोटी ९३ लाख ७३ हजार ५८0 रूपयांचे उत्पन्न मिळाले. मात्र, मार्च महिन्याच्या तुलनेत एप्रिल महिन्यात आरक्षित बोगींमधून कमी प्रवाशांनी प्रवास केला. त्यामुळे मार्चपेक्षा एप्रिल महिन्याच्या आरक्षित तिकिटांतून होणार्‍या उत्पन्नात घट झाली. मार्चपेक्षा एप्रिल महिन्यात एकूण ९११ प्रवाशांची तिकीट आरक्षणात घट झाली. त्यामुळे एप्रिल महिन्यात आरक्षित तिकिटांचे उत्पन्न मार्चपेक्षा ९६ हजार २00 रूपयांनी घटले. बुकिंग व आरक्षण यातील संपूर्ण प्रवाशी बघता मार्चपेक्षा एप्रिल महिन्यात एकूण २२ हजार ५१३ अधिकच्या प्रवाशांनी गोंदिया रेल्वे स्थानकातून प्रवास केला. त्यामुळे मार्च महिन्यापेक्षा एप्रिल महिन्यात गोंदिया रेल्वेचे १६ लाख ९३ हजार ९७७ रूपयांचे एकूण उत्पन्न वाढले.
दोन महिन्यात गोंदिया रेल्वेला ५.६८ कोटींचे उत्पन्न
By admin | Updated: May 25, 2014 23:40 IST