दक्षिण गोव्यातील लोटलीम येथील विजय मरीन परिसरात सिलेंडरचा स्फोट झाल्याची दुर्दैवी घटना घडली. या स्फोटात दोन जणांचा दुर्दैवी मृत्यू झाला असून, पाच जण जखमी झाले आहेत. जखमींना ताबडतोब जवळच्या रुग्णालयात दाखल करण्यात आले असून यातील अनेकांची प्रकृती चिंताजनक आहे. त्यामुळे मृतांच्या आकड्यात आणखी वाढ होण्याची भिती व्यक्त केली जात आहे.
दक्षिण गोवा पोलिसांनी दिलेल्या माहितीनुसार, लोटलीम येथील विजय मरीन परिसरात आज सिलेंडरचा स्फोट झाला. या स्फोटात दोन जणांचा उपचारापूर्वीच मृत्यू झाला. तर, पाच जण जखमी झाले. जखमी झालेल्यांपैकी चार जणांची प्रकृती गंभीर आहे. सर्व जखमींना तातडीने गोवा वैद्यकीय महाविद्यालय आणि मडगाव जिल्हा रुग्णालयात उपचारासाठी हलवण्यात आले. घटनेची माहिती मिळताच पोलीस दल, अग्निशमन दल आणि बॉम्ब पथक तात्काळ घटनास्थळी दाखल झाले. सुरक्षेच्या कारणास्तव पोलिसांनी संपूर्ण परिसर सील केला. स्फोटाचे नेमके कारण आणि पुढील तपास बॉम्ब पथक व स्थानिक पोलीस करत आहेत.
Web Summary : A cylinder explosion at Vijay Marine in South Goa killed two and injured five. Critically injured victims are hospitalized. Police and bomb squad sealed the area, investigating the cause of the blast.
Web Summary : दक्षिण गोवा के विजय मरीन में सिलेंडर विस्फोट से दो की मौत, पांच घायल। गंभीर रूप से घायल अस्पताल में भर्ती। पुलिस और बम निरोधक दस्ते ने इलाके को सील कर दिया, विस्फोट के कारणों की जांच जारी।