मिरामार येथे वाहतूक समस्या महापौरांनी हात झटकले

रात्री उशिरा या ठिकाणी वाहतूक पोलीस नसल्याने दोनापावलाहून येणार्‍या म्हणजे एकेरी रस्त्यावरून गाड्या दोनापावलामार्गे काढल्या जातात. नियमाने हा रस्ता वन-वे आहे; पण मिरामार समुद्रावर भेलपुरी खाण्यासाठी जाणार्‍या खवय्यांना हाच रस्ता जवळचा वाटतो आणि येथूनच गाड्या काढल्या जातात. वाहतूक पोलीस नसल्यास काही पर्यटकही या रस्त्यावरूनच ये-जा करत आहेत. या प्रकारामुळे येथे अपघात घडण्याची शक्यता नाकारता येत नाही.
सध्या पर्यटन हंगाम असल्याने रेंट अ बाईक, टूर ॲण्ड ट्रॅव्हल्स, हॉटेलच्या गाड्या पर्यटकांना घेऊन समुद्रकिनार्‍यावर येत आहेत. बाईक पार्क करून ठेवण्यासाठी जास्त त्रास होत नाही; पण चारचाकी गाड्यांमुळे पार्किंगची समस्या निर्माण होते. त्यात स्थानिक नागरिकांच्या गाड्या व बस वाहतुकीचा एकच मार्ग असल्याने वाहतुकीची कोंडी निर्माण होत आहे. सरकारने यावर त्वरित उपाययोजना करावी, असे एका वाहतूक पोलिसाने सांगितले.
राज्यात विविध ठिकाणी पावसाच्या हलक्या सरी पडायला सुरुवात झाली आहे. मिरामार-दोनापावला रस्ता प्रकरण न्यायालयात गेल्याने तेथील बांधकाम स्थगित ठेवण्यात आले आहे. महापौरांनी या प्रकरणातून हात झटकले असून, न्यायालयाला आयुक्तांनीच उत्तर द्यावे, असे स्पष्ट केले आहे.
(फोटो उपेंद्र देणार.