गडचिरोली : प्रशासनाच्या नाकावर टिच्चून राजरोस वाळू वाहतूक करणाऱ्या माफियांना तहसीलदार शुभम पाटील यांनी जोरदार दणका दिला. शहरात दोन दिवसांत तीन टिप्पर पकडून दंडात्मक कारवाई प्रस्तावित केली आहे. विशेष म्हणजे माफियांनी हेरगिरीसाठी जागोजाग पेरलेल्या 'पंटर'ला चकवा देत तहसीलदारांनी बडगा उगारल्याची माहिती आहे.
शहरातील कोटगल मार्गावरील टी - पाईंटजवळ तहसीलदार शुभम पाटील यांनी ५ नोव्हेंबरला मध्यरात्री १२ वाजता बेकायदेशीर वाळू वाहतूक करणारे एक विनाक्रमांकाचे टिप्पर पकडले होते. ते जप्त करुन दंडात्मक कारवाई करत पुढील कारवाईसाठी प्रस्ताव उपविभागीय अधिकाऱ्यांना धाडला. त्यानंतर ६ नोव्हेंबरला धानोरा मार्गावरील लाझेंडा येथून विनाक्रमांकाचे दोन टिप्पर वाळू घेऊन जात असल्याच्या माहितीवरुन त्यांनी सापळा रचला. अनेकदा माफियांचे पंटर अधिकाऱ्यांची हेरगिरी करत वाळूच्या वाहनांना वाट मोकळी करुन देत असतात. या पार्श्वभूमीवर ६ नोव्हेंबरला दुपारी तहसीलदार पाटील यांनी आपले शासकीय वाहन निवासस्थानी लावले. तहसीलदार घरी असल्याचे समजून माफियांनी वाळूचे दोन टिप्पर रवाना केले.
तोंडाला रुमाल बांधून थांबले तहसीलदार
कारवाईसाठी तहसीलदार पाटील हे एका कार्यालयीन सहकाऱ्यास सोबत घेऊन दुचाकीवरुन दुपारी घराबाहेर पडले. तोंडाला रुमाल बांधून ते लाझेंडा येथे एक तास रस्त्यात उभे होते. वाहने येताच ती अडवून वाहतूक परवाना मागितला. परवाना न आढळल्याने दोन्ही वाहने ताब्यात घेऊन कार्यालयात जमा केली. मंडळाधिकारी आर. पी सिडाम, महसूल अधिकारी आर. पी. जाधव आदींनी पंचनाम्याची प्रक्रिया पूर्ण केली.
Web Summary : Tehsildar Shubham Patil cracked down on illegal sand trafficking in Gadchiroli, seizing three tippers. Disguised with a scarf, he surprised the mafia's informants by using a motorcycle. This led to the capture of two trucks lacking permits, resulting in proposed punitive actions.
Web Summary : तहसीलदार शुभम पाटिल ने गडचिरोली में अवैध रेत तस्करी पर कार्रवाई करते हुए तीन टिप्पर जब्त किए। स्कार्फ से भेस बदलकर, उन्होंने मोटरसाइकिल का उपयोग करके माफिया के मुखबिरों को आश्चर्यचकित कर दिया। इससे बिना परमिट के दो ट्रक पकड़े गए, जिसके परिणामस्वरूप दंडात्मक कार्रवाई का प्रस्ताव किया गया।