गडचिराेली : हिंसाचाराच्या जीवनाला कंटाळून आणि शासनाच्या आत्मसर्पण याेजनेमुळे प्रभावित हाेऊन सहा लाख रुपयांचे बक्षीस असलेल्या एका जहाल महिला नक्षलीने २३ जून राेजी गडचिराेलीत आत्मसमर्पण केले. येथील नवजीवन वसाहतीच्या परिसरात आयाेजित कार्यक्रमात जिल्हा पाेलीस अधीक्षक अंकित गाेयल यांनी तिचे स्वागत केले.
शशिकला ऊर्फ गुनी ऊर्फ झुरी ऊर्फ अंजू आसाराम आचला (३०) रा. माेठा झेलिया, ता. धानाेरा असे आत्मसमर्पित नक्षलीचे नाव आहे. शशिकला ही डिसेंबर २००६ मध्ये टिपागड दलममध्ये सदस्य म्हणून भरती झाली होती. सध्या ती टिपागड एलओएसमध्ये एसीएम पदावर कार्यरत हाेती. तिच्यावर नक्षल चकमकीचे १५, जाळपाेळीचा एक आणि इतर चार असे एकूण २० गुन्हे दाखल आहेत. त्यामुळे तिला पकडून देणाऱ्यास शासनाने सहा लाख रुपयांचे बक्षीस जाहीर केले हाेते.
आत्मसमर्पण याेजनेमुळे अनेक नक्षलवादी चळवळीतून बाहेर पडत आहेत, अशी माहिती पाेलीस अधीक्षक अंकित गाेयल यांनी यावेळी दिली. याप्रसंगी अपर पाेलीस अधीक्षक (अभियान) मनीष कलवानिया, अपर पाेलीस अधीक्षक (प्रशासन) समीर शेख, अहेरीचे अपर पाेलीस अधीक्षक साेमय मुंडे आदी उपस्थित हाेते.
बाॅक्स...
दाेन वर्षांत ३९ नक्षलींची शरणागती
गडचिराेली पाेलीस दलाच्या वतीने प्रभावीपणे राबविण्यात आलेल्या नक्षलविराेधी अभियानामुळे सन २०१९-२०२१ या वर्षामध्ये एकूण ३९ नक्षलवाद्यांनी आत्मसमर्पण केले. यामध्ये चार डीव्हीसी, दाेन दलम कमांडर, तीन उपकमांडर, २९ सदस्य आणि एक जनमिलिशिया आदींचा समावेश आहे. आता या आत्मसमर्पितांना आश्रय देण्यासाठी पोलिसांनी गडचिरोली शहरालगत खास वसाहत तयार केल्यामुळे आत्मसमर्पणाचे प्रमाण वाढेल, अशी आशा व्यक्त केली जात आहे.
===Photopath===
230621\23gad_1_23062021_30.jpg
===Caption===
23gdph04.jpg(आत्मसमर्पित नक्षली शशिकला हिचे स्वागत करताना पोलीस अधीक्षक अंकित गोयल