शिधापत्रिकेला आधार व माेबाइल क्रमांक लिंकिंग आवश्यक

अन्न नागरी पुरवठा आणि ग्राहक संरक्षण विभागाच्या २२ डिसेंबर २०२० अन्वये आधार कार्ड व मोबाइल क्रमांक जोडण्याची कार्यवाही ३१ जानेवारी २०२१ पर्यंत करण्याचे निर्देश प्राप्त असून, ज्या लाभार्थींचे शिधापत्रिकांचे मुदतीच्या आत आधार कार्ड व मोबाइल क्रमांक लिंक केले जाणार नाही. त्यांना पुढील महिन्यापासून धान्याचे वितरण करण्यात येऊ नये तसेच त्यांचे रेशन कार्डसुद्धा निलंबित करण्यात यावे, अशा सूचना प्राप्त आहेत. करिता जिल्ह्यातील आधार क्रमांक व मोबाइल क्रमांक शिधापत्रिकेशी लिंक न झालेल्या लाभार्थींनी त्यांना नेमून दिलेल्या स्वस्त धान्य दुकानात जाऊन ई-पास उपकरणाद्वारे रास्तभाव दुकानदार यांच्यामार्फत आपले शिधापत्रिकेतील लाभार्थींच्या आधार कार्ड व मोबाइल क्रमांकाचे सिडींग करण्यात यावे, असे जिल्हा पुरवठा अधिकारी नरेंद्र भागडे यांनी केले आहे.