खमनचेरूच्या उपसरपंचपदी नितीन कोडापे बिनविरोध
By लोकमत न्यूज नेटवर्क | Published: May 16, 2021 04:35 AM2021-05-16T04:35:27+5:302021-05-16T04:35:27+5:30
अहेरी : ग्रामपंचायत निवडणूक फेब्रुवारी महिन्यात पार पडली. परंतु खमनचेरू येथील उपसरपंच साईनाथ कुकुडकर यांच्यावर अतिक्रमणाचा ठपका ठेवून ...
अहेरी : ग्रामपंचायत निवडणूक फेब्रुवारी महिन्यात पार पडली. परंतु खमनचेरू येथील उपसरपंच साईनाथ कुकुडकर यांच्यावर अतिक्रमणाचा ठपका ठेवून चाैकशी अंती त्यांचे सदस्यत्व रद्द झाले. सदर ग्रामपंचायतीवर आदिवासी विद्यार्थी संघाची सत्ता असल्याने उपसरपंच पदी नितीन काेडवते यांची बिनविराेध निवड करण्यात आली.
अहेरी तालुक्यातील खमनचेरू येथे आदिवासी विद्यार्थी संघाचे नेते माजी आ. दीपक आत्राम व जिल्हा परिषद अध्यक्ष अजय कंकडालवार यांच्या मार्गदर्शनाखाली सरपंच व उपसरपंच आविसंचे होते. मात्र उपसरपंच साईनाथ कुकुडकर यांच्यावर अतिक्रमणाचा ठपका ठेवून तक्रार दाखल करण्यात आल्याने त्यांचे सदस्यत्व रद्द झाले. त्यामुळे उपसरपंचपदाची निवडणूक शनिवारी पार पडली. नितीन कोडापे यांची उपसरपंच म्हणून निवड करण्यात आली. त्यानंतर जिल्हा परिषद अध्यक्ष अजय कंकडालवार यांच्या हस्ते पुष्पगुच्छ देऊन स्वागत करण्यात आले.
यावेळी पंचायत समितीचे सभापती भास्कर तलांडे, जिल्हा परिषद सदस्य अजय नैताम, जि.प.सदस्य सुनीता कुसनाके, सरपंच साईलू मडावी, सदस्य श्यामा बारसागडे, जीवनकला आलाम, राजश्री डोंगरे, कलावती कोडापे, प्रशांत गोडसेलवार आदी उपस्थित होते.
पीठासीन अधिकारी म्हणून नायब तहसीलदार फारुख शेख यांनी काम पाहिले तर कर्मचारी दशरथ आत्राम तसेच सचिव संध्या गेडाम यांनी सहकार्य केले.