ठळक मुद्देपाणी पुरवठा करायला गेल्यावर घडली घटना
लोकमत न्यूज नेटवर्कगडचिरोली: मुलचेरा तालुक्यातील खुदीरामपल्ली येथे शेताला पाणी देण्यास गेलेल्या शेतकऱ्याच्या विजेच्या जिवंत तारेला स्पर्श होऊन तो जागीच गतप्राण झाल्याची घटना बुधवारी सकाळी ७ च्या सुमारास घडली.बुधवारी सकाळी जगबंधू जुगल सूत्रधार व दुलाल मनोरंजन पाल हे दोघेजण कापसाच्या शेताला पाणी देण्यासाठी गेले होते. आॅईल इंजिनच्या सहाय्याने शेतीला ते पाणी देत असत. यापैकी दुलाल पाल हे इंजिनकडे गेले तर जगबंधू सूत्रधार हे आपल्या शेतातील बादली आणण्यासाठी जात असताना वाटेत असलेले तारेचे कुंपण ओलांडत असताना त्यांना विजेचा धक्का बसला व ते जागीच ठार झाले.