ब्रह्मपुरी आगारातून आणले जात आहे डिझेल

स्थानिक आगारातील डिझेलपंप मागील चार दिवसांपासून बंद पडला असल्याने ब्रह्मपुरी आगारातून डिझेल आणून आगारातील बसफेऱ्या चालविल्या जात आहेत.

अनेक शेड्यूल रद्द : बसफेऱ्यांना होत आहे विलंब; प्रवाशांचे बेहाल; पंप लावण्याच्या कामास सुरूवातगडचिरोली : स्थानिक आगारातील डिझेलपंप मागील चार दिवसांपासून बंद पडला असल्याने ब्रह्मपुरी आगारातून डिझेल आणून आगारातील बसफेऱ्या चालविल्या जात आहेत. तरीही डिझेलचा तुटवडा निर्माण होत असल्याने ग्रामीण भागातील अनेक बसफेऱ्या रद्द कराव्या लागत आहेत. यामुळे एसटीचे हजारो रूपयांचे नुकसान होण्याबरोबरच प्रवाशांचेही हाल सुरू आहेत. गडचिरोली आगारात असलेले दोनही डिझेल पंप बंद पडल्याने मागील चार दिवसांपासून गडचिरोली आगारात डिझेलचा प्रचंड तुटवडा जाणवत आहे. शनिवार ते सोमवार पर्यंत इतर आगारातून येणाऱ्या बसेसच्या डिझेल टँक फुल्ल भरून आणल्या जात होत्या. व सदर बसेस गडचिरोली आगारात आल्यानंतर त्यातील डिझेल इतर बसेसमध्ये टाकले जात होते. मात्र यासाठी बराच कालावधी लागत असल्याने अनेक बसेस उशीरा सुटत होत्या तर काही बसेसचे शेड्युलही रद्द करावे लागले. प्रवाशांची ओरड सुरू झाली होती. ही बाब लक्षात घेवून गडचिरोली आगाराने मंगळवारी रात्री १ हजार २०० लिटर डिझेल बोलाविले आहे. डिझेल पंप सुरू होईपर्यंत याच आगारातूून डिझेल मागविले जाणार असल्याची माहिती एसटीतील अधिकाऱ्यांनी दिली. गडचिरोली आगारात एकुण १०५ बसेस आहेत. राज्याच्या शेवटच्या टोकावर असलेल्या या आगारातून अनेक लांबपल्याच्या बसेस सोडल्या जातात. त्याचबरोबर ग्रामीण भागातही दरदिवशी शेकडो फेऱ्या चालविल्या जातात. त्यामुळे एवढे डिझेल पुरेसे नाही. परिणामी डिझेलचा तुटवडाच जाणवणार आहे. डिझेलच्या तुटवड्यामुळे सोमवारचे अनेक शेड्युल रद्द करण्यात आले. (नगर प्रतिनिधी)पंप सुरू होण्यास पाच दिवस लागणारदोनही पंप बिघडल्यानंतर एसटी विभागाने रविवारी डिझेल पंप उपलब्ध करून दिला. सदर पंप बसविण्याच्या कामाला मंगळवारी सुरूवात झाली. पाईप लाईनचे खोदकाम करणे, नवीन मशीन बसविणे यासाठी पाच दिवसांपेक्षा अधिक कालावधी लागणार असल्याची शक्यता लोकमतशी बोलतांना एसटीच्या अधिकाऱ्यांनी व्यक्त केली. तेवढे दिवस उसणेवारीच्या डिझेलवरच बसेस चालवाव्या लागणार आहेत.