ठळक मुद्देअनेक कामे बंद : एटापल्ली तालुक्यातील घटना
लोकमत न्यूज नेटवर्कएटापल्ली : तालुक्यातील कर्रेम-बिडरी रस्त्याच्या कामावर असलेल्या काँक्रीट मिक्सर मशीनला नक्षलवाद्यांनी आग लावल्याची घटना रविवारी रात्री घडली.एटापल्ली तालुका मुख्यालयापासून १५ किमी अंतरावर कर्रेम-बिडरी दरम्यानच्या रस्त्याचे काम सुरू आहे. सदर काम जिल्हा परिषदेच्या ३०-५४ च्या निधीतून केले जात आहे. रस्त्यांवर लावलेली वाहने जाळली जात असल्याने कंत्राटदारांमध्ये भितीचे वातावरण निर्माण झाले आहे. अनेक कंत्राटदारांनी काम बंद ठेवले आहे. तर काही कंत्राटदारांनी यापुढे दुर्गम भागात काम न करण्याचा निर्णय घेतला आहे. बांधकामाच्या ठिकाणी पोलिसांनी संरक्षण द्यावे, अशी मागणी कंत्राटदारांकडून केली जात आहे.