लोकमत न्यूज नेटवर्कगडचिरोली :कर्करोग निदान व जनजागृतीसाठी राष्ट्रीय असंसर्गजन्य रोग नियंत्रण कार्यक्रमांतर्गत सार्वजनिक आरोग्य विभागाने वाहन आपल्या दारी मोहीम हाती घेतली आहे. २४ मार्च रोजी हिरवी झेंडी दाखवून हे वाहन रवाना केले.
३० वर्षावरील नागरिकांनी तपासण्या करून कर्करोग मुक्त जीवन जगावे असे आवाहन जिल्हा रुग्णालय व आरोग्य विभाग जि. प. यांनी केले. वाहनाला जि. प. सीईओ सुहास गाडे यांनी हिरवी झेंडी दाखवली. जिल्हा शल्यचिकित्सक डॉ. माधुरी किलनाके, जिल्हा आरोग्य अधिकारी डॉ. प्रताप शिंदे, अतिरिक्त जिल्हा आरोग्य अधिकारी डॉ. अमित साळवे, असंसर्गजन्य रोग नियंत्रण कार्यक्रम समन्वयक डॉ. प्रेरणा राऊत, प्रशासकीय अधिकारी शंतनू पाटील उपस्थित होते.
असे आहे तालुकानिहाय नियोजनचामोर्शी - २४ ते २७ मार्चमुलचेरा - २८ मार्चएटापल्ली - १ ते ३ एप्रिलभामरागड - ४ ते ५ एप्रिलअहेरी - ७ ते ८ एप्रिलसिरोंचा - ९ ते ११ एप्रिलआरमोरी - १५ ते १६ एप्रिलदेसाईगंज - १७ ते १९ एप्रिलकुरखेडा - २१ ते २२ एप्रिलकोरची - २३ ते २४ एप्रिलधानोरा - २५ ते २६ एप्रिलगडचिरोली - २८ ते ३० एप्रिल
जिल्हाभर मोहीमजिल्ह्यात २४ मार्च ते २१ एप्रिल दरम्यान कर्करोग तपासणी वाहन जिल्ह्यात फिरेल. गर्भाशयमुखाचा कर्करोग, स्तनाचा कर्करोग व मुखाचा कर्करोग इत्यादी तपासण्या होतील.