भगवान महावीर स्वामी यांचा १७ ला जयंती महोत्सव
By लोकमत न्यूज नेटवर्क | Published: April 15, 2019 10:30 PM2019-04-15T22:30:10+5:302019-04-15T22:30:27+5:30
जैन धर्माचे २४ वे तिर्थकार भगवान महावीर यांच्या जन्म कल्याण महोत्सवाचे आयोजन गडचिरोली येथे १७ एप्रिल रोजी करण्यात आले आहे.
लोकमत न्यूज नेटवर्क
गडचिरोली : जैन धर्माचे २४ वे तिर्थकार भगवान महावीर यांच्या जन्म कल्याण महोत्सवाचे आयोजन गडचिरोली येथे १७ एप्रिल रोजी करण्यात आले आहे.
सकाळी ९ ते ११ वाजेपर्यंत भगवान महावीर यांच्या प्रतिमेची शोभायात्रा काढली जाईल. बाजारपेठेतील साई मंदिर-गांधी चौक-राम मंदिर-विठ्ठल मंदिर-त्रिमूर्ती चौकातून शोभायात्रा निघणार आहे.
सकाळी ११.३० ते दुपारी १ वाजेपर्यंत आरती व सांस्कृतिक कार्यक्रम, दुपारी १२ ते १ वाजेपर्यंत बोदली येथील आश्रमशाळेत महाप्रसादाचे वितरण, तसेच दुपारी १ ते ३ वाजेपर्यंत त्रिमूर्ती चौकातील नाट्यगृहातही महाप्रसादाचे आयोजन केले आहे.
बहुसंख्येने उपस्थित राहावे, असे आवाहन सकल जैन समाज गडचिरोलीतर्फे करण्यात आले आहे.